Hafiz Məmmədov: “Bir gün gələcək, “Lans” Çempionlar Liqasında oynayacaq”

Hafiz Məmmədov: “Bir gün gələcək, “Lans” Çempionlar Liqasında oynayacaq”
ÖLKƏ FUTBOLU 27 Sentyabr 2013 / 13:43 2519
-  A +

“Mən “Lans”ın çətin vəziyyətə düşdüyünü bilirdim. Hazırda isə klubda vəziyyət normaldır. Məqsədim odur ki, “Lans” birinci liqaya qayıtsın. Komandanın uğurlu çıxışı və yüksək liqaya çıxması üçün lazım olan maliyyə ayrılacaq”.

Qol.Az-ın məlumatına görə, azərbaycanlı iş adamı Hafiz Məmmədov dünən “Lans” və “Bakı” klubları arasında əməkdaşlıq müqaviləsinin imzalanmasından sonra Fransa mətbuatına bildirib.

O qeyd edib ki, hazırkı durumda “Lans”ın azarkeşləri öz komandaları ilə fəxr etməlidir. Necə ki, bunu Madrid “Atletiko”sunun fanatları edir. Hər iki komanda oyunlara “Land of fire Azerbaijan” forması ilə çıxır. “Atletiko” bu gün dünyanın ən güclü klublarındandır. Bundan qürur duymaq lazımdır. Biz “Lans”ın da belə səviyyəyə çatması üçün hər şeyi edəcəyik. Bizim konkret hədəflərimiz var. Bir gün gələcək, “Lans”ı Çempionlar Liqasında görəcəyik”

“Lans”ın sahibi olan H.Məmmədov klubun prezidenti Jerve Martel və Fransa futbolunun əfsanəsi Jan-Pyer Papenlə gözəl münasibətlərdə olduğunu söyləyib: “Mən bir il əvvəl “Lans”la əməkdaşlıq edəcəyimizi ağlıma belə gətirməzdim. Tale hamımızı birləşdirdi. Mən dostum Jerve ilə birgə gözəl bir layihənin təməlini qoymuşam. Əminəm ki, bu layihə müsbət effekt verəcək. Jerve Martel inadkarlığı, işə yüksək həvəsi ilə mənim diqqətimi çəkdi. O zaman dedim ki, komanda üçün nələrsə etmək lazımdır. Mən futbolda belə inadkar insanları az görmüşəm. “Lans” tarixi klubdur. Mən belə bir klubla peşəkar münasibətlərə başlamağa görə sevinirəm. Mən Fransa milli komandasının azarkeşi olmuşam. Həmçinin Fransa iqtisadiyyatına yaxın insanam”.

Daha çox


Son xəbərlər