21:06
Çempionlar Liqasına hazırlaşan “Bakı” yeni mövsümdə ilk transferini reallaşdırıb. “Zolaqlılar” serbiyalı Stevan Bateslə müqavilə imzalayıb. Bu haqda Qol.Az-a “Bakı”nın mətbuat xidmətinin rəhbəri Ruslan Əlişzadə məlumat verib. Serbiyalı Bates müdafiəçidir. Onun son klubu Fransanın ikinci liqa təmsilçisi “Şatoru” olub.
Bates 1981-ci ildə Belqradda anadan olub. Müdafiəçi yaxşı fiziki göstəriciləri ilə seçilir. Onun boyu 190 sm, çəkisi isə 81 kq-dır. Bates "Bakı"yla 1 illik müqavilə imzalayıb. Serbiyalı müdafiəçi Fransa çempionatında çıxış edənədək vətənində bir neçə klubun şərəfini qoruyub. 2000-2002-ci illər aralığında "Zelezniçar"da oynayıb. Bu klubun heyətində keçirdiyi 58 oyuna 1 qol vuran Bates ardından "Vojdovaç"a keçib və 2005-ci ilədək bu komandada forma geyib. Bu klubda Bates 51 oyunda meydana çıxıb və 4 dəfə fərqlənib. Növbəti 1 ili "Rad"da keçirən (23 oyuna 2 qol) Stevan daha sonra "Şatoru"ya yollanıb. 2006-cı ildən Fransa çempionatında forma geyən "Bakı"nın yeni transferi bu komandanın heyətində 66 oyunda meydana çıxıb və 3 qol vurmağa müvəffəq olub.
***
"Bakı" bir deyil, iki futbolçuyla bu gün müqavilə imzalayıb. Bu haqda Qol.Az-ın müxbiriylə söhbətində paytaxt klubunun icraçı direktoru Yaşar Seyidov məlumat verib: "Batesdən əlavə bu gün braziliyalı Barbosa ilə də müqavilə imzalanıb. Bates kimi Barbosa da müdafiəçidir. Onunla da sözləşmənin müddəti qarşıdakı 1 il üçün nəzərdə tutulub. Hər iki oyunçunun adı Çempionlar Liqasının iştirak ərizəsinə də daxil ediləcək. Onlar qarşıdakı məsul yarışda komandamıza kömək edəcəklər".
“İmişli”də yeni qapıçı
"Fənərbaxça" yeni transferini açıqladı
"Atalanta" onu "Nyukasl"a buraxmır
Patrik Vieyra onun transferinin qarşısını aldı
"Mançester Yunayted"in yeni hədəfi bilindi
"Şamaxı"dan legioner transferi - Rəsmi
Yalnız "Tottenhem"i istəyir
"Arsenal" Gyökereşin transferinə yaxınlaşır
"Qarabağ" və "Zirə"dən daha çox transfer gözləntiləri var"
"Portu"nun yeni baş məşqçisi açıqlandı
Subimendi "Arsenal"da - Rəsmi
Musiala bu gün əməliyyat ediləcək
"Liverpul"un mövsümöncəsi məşqi təxirə salınıb
“Real” 23 illik rekordu yenilədi
Messi yenə rəqibi bir-birinə qatdı - Video
"Bavariya"da 756-cı - sonuncu oyun
