“Kocaelispor”un şərəfini qoruyan Azərbaycan milli komandasının kapitanı Rəşad Sadıqov hələ ki, gözləmə mövqeyi tutmaqdadır. Qol.Az-ın Türkiyə mətbuatına istinadən verdiyi məlumata görə, İzmit klubu birinci diviziona düşdükdən sonra, digər elita klublarından kifayət qədər təklif alan həmyerlimiz hələlik seçimini etməyib. Ümumiyyətlə, tək Rəşad yox, klubun digər aparıcı futbolçuları da ünvanlarına gələn təklifləri dəyərləndirməyiblər. Yalnız komandanın bombardiri Taner Gülleri “İstanbul Böyük Şəhər Bələdiyyəspor”a keçib. İzmit mətbuatı isə hər gün klubla bağlı yeni informasiyalar yayır. “Kocaeli qazetəsi” son sayında “Sessizlik bitdi, fırtına başladı” başlıqlı yazıda bütün diqqətlərin iyunun 27-də klub prezidenti postuna keçiriləcək seçkilərə yönəldiyini yazıb. Həmin seçkidə mübarizə isə hazırkı prezident Serhat Gürkanla, onun rəqibi, Muammer Çelik arasında gedəcək. Bu arada, Gürkan bazar ertəsi keçirəcəyi mətbuat konfransında bir sıra maraqlı açıqlamalara toxunacaq. Maraqlı burasındadır ki, hazırda klubun şərəfini qoruyan aparıcı futbolçular Gürkanın yox, onun rəqibi Çelikin tərəfindədir. “Bizim Kocaeli”yə verdiyi açıqlamasında komandanın aparıcı futbolçularından olan Kiliç Arslan belə deyib: “Muammer Çelik ağabeyə bir söz verdik. Bu sözün arxasında durmaq isə bizim borcumuzdur. 27 iyuna qədər gözləyəcəyik. Sadəcə “Konyaspor” deyil, bir çox Superliqa klublarından transfer tekliflıri almışıq. Həm mən, həm də digər komanda yoldaşlarım. Onların əvəzinə danışmaq istəmirəm. Yalnız onu deyə bilərəm ki, “Kocaelispor”da hər şeyə aydındıq gəldikdən sonra bizim də növbəti mövsümü hansı klubda keçirəcəyimiz məlum olacaq”.
Arda Güler son 5 oyunda 5-ci qolunu vurdu
"Fənərbaxça" 10 nəfərlə "Qalatasaray"a qalib gəldi
Azərbaycan millisi ikinci oyununda da uduzdu
Derbidən əvvəl ara qarışdı - Şəkillər
"Mançester Siti" 10-cu dəfə İngiltərə çempionu oldu
"Sabah"ın U-14 komandası beynəlxalq turnirin qalibi oldu
"Qəbələ" "Araz-Naxçıvan"a belə qalib gəldi - Video
"3 qol buraxdığıma görə utanıram" - "Qarabağ"ın qapıçısı
"Qəbələ"dən ardıcıl 3-cü qələbə
Asif Məmmədova 250 nömrəli forma təqdim olundu
"Sabah" Türkiyədə 4-cü oldu
"Bayer" bunu bacaran ilk klubdur
"Qəbələ" - "Araz-Naxçıvan": Heyətlər
Ataa Caber: "Qələbə mənim qolumdan vacibdir”