16.11.18
"Nəzərə alsaq ki, biz "Nomme Kalyu" ilə cavab oyunumuzu digər komandalarla müqayisədə iki gün əvvəl keçirdik, vaxt baxımından narazılıq yoxdur. Futbolçular bu müddət ərzində lazım olan səviyyədə hazırlıq görə bildilər və inanıram ki, qarşıdakı oyuna onlar tam hazır olacaqlar".
Qol.Az-ın məlumatına görə, bu sözləri "Xəzər Lənkəran" klubunun baş məşqçisi Yunis Hüseynov "Lex"lə oyunöncəsi keçirilən mətbuat konfransında deyib.
Mətbuat konfransında jurnalistlərin suallarını cavablandıran Hüseynov rəqib komandanın oyunlarını izlədiyini və analiz etdiyini söyləyib: “Lex” Avropada kifayət qədər tanınmış komandadır. Bilirik ki, onlar bizim matçlarımızı izləyiblər. Biz də onların oyunlarını təhlil etmişik, zəif və güclü nöqtələri haqqında da məlumatımız var. Hansı taktika ilə oynayacağımızı isə sabah saat 20:00-da görəcəksiniz".
"İstənilən məşqçini qane edən nəticə qələbədir. Sözsüz ki, biz də qələbə haqqında düşünürük. Əlbəttə, ilk oyunda evdə qol buraxmamaq bizə çox kömək olar. Amma bu futboldu, bir qol buraxıb, amma oyunu böyükhesablı qələbə ilə bitirmək də olar”.
Baş məşqçi bir daha komandasının bu mərhələni keçmək iqtidarında olduğunu vurğulayıb: "Komandaya inamım böyükdür. Düşünürəm ki, bu mərhələni adlamaq üçün kifayət qədər gücümüz var".
Yeni futbolçularla bağlı suallara cavab olaraq mütəxəssis bunları bildirib: "Klub rəhbərliyi ciddi olaraq bu işlə məşğul olub. Üç futbolçunun komandaya keçidi nəzərdə tutulmuşdu. Lakin son anda müxtəlif səbəblərdən razılıq əldə etmək mümkün olmadı. Bununla belə, bu istiqamətdə işlər davam etdirilir və hətta hazırda da bu proses gedir. Komandamızın müxtəlif mövqelərdə güclənməyə ehtiyacı var".
Hüseynov start heyətini hələ konkretləşdirmədiyini söyləyib: “Son oyunla müqayisədə heyətin dəyişilib-dəyişilməyəcəyi hələ dəqiq deyil. Bunu oyuna bir neçə saat qalmış müəyyən edəcəyik".
Qeyd edək ki, "Xəzər Lənkəran" - "Lex" oyunu bu axşam saat 20:00-da başlayacaq.
"Şimal" - MOİK matçında vurulan qollar - Video
Martinsin dublu, "Zirə"nin qələbəsi - Video
"Şimal" MOİK-lə bərabərə qaldı
"Hər məşqçini belə qələbələr sevindirər" - Rəşad Sadıqov
"Gənc futbolçularımız möhkəm olmalıdır" - Ayxan Abbasov
“Qarabağ”ın oyunçusu ÇL-də rəmzi komandaya düşdü
"Zirə" liderliyə yüksəldi, "İmişli"dən qələbə
Şahruddindən qələbə şərhi
La Liqanın prezidenti İngiltərə Premyer Liqasını tənqid etdi
Jorj Kaşkilya: “İmişli” hər oyuna qələbə üçün çıxır”
Formula 1: İkinci sərbəst yürüşdə Luis Hemilton birinci olub
"Zirə" - "Şamaxı": Heyətlər
Braziliya millisinin sabiq üzvü karyerasını bitirdi
“Qarabağ”da şok itki - Zədəsi ciddidir
"Arsenal"da yeni baş direktor
"Karvan" - "İmişli": Heyətlər açıqlandı
"Barselona" PSJ ilə hansı stadionda oynayacaq?
Minifutbol: "Zirə" Çempionlar Liqasının 1/4 finalında
Haalanddan daha bir uğur
"Formula 1 Azərbaycan Qran-Prisi"ndə sərbəst yürüş başladı
“Braqa”dan “Qarabağ”a mesaj - “Sizin üçün darıxmışıq”
Üç güləşçimiz mübarizəyə başlayır - Dünya çempionatı
