16.11.18
“Rəvan” klubunun vitse-prezidenti Bəhruz Şirəliyevin Qol.Az saytına müsahibəsi
- Baş məşqçiniz Bəhmən Həsənovu istefaya göndərməyinizin səbəbi nə oldu?
- Bəhmən Həsənovu bu vəzifəyə müvəqqəti təyin etmişdik. Çempionat başa çatandan sonra yeni baş məşqçinin axtarışına başladıq. Sonda türkiyəli mütəxəssis Cavad Gülər üzərində dəyanaraq onunla anlaşdıq. Yeni mövsümdən “Rəvan” klubunu Cavad Gülər çalışdıracaq.
- Niyə məhz Cavad Güləri seçdiniz?
- Cavad bəyi tanımayan yoxdur. Çünki bu şəxs tanınmış bir mütəxəssisdir. Təsadüfi deyil ki, 2007-2008-ci il mövsümündə Türkiyənin “Qalatasaray” klubuyla çempionluq qazanıb. Bu amil çox şeydən xəbər verir. Azərbaycana belə bir mütəxəssisi dəvət etməkdə məqsədimiz odur ki, növbəti mövsümdə uğurlar qazanaq. Onunla iki illik müqavilə imzalamışıq.
- Cavad Gülərin komandaya gəlişindən sonra Türkiyəli futbolçuların klubunuza cəlb olunacağı gözlənilirmi?
- Bu haqda dəqiq bir söz deyə bilmərəm. Ola bilsin ki, gətirilsin.
- Bəs, Bəhmən Həsənov bundan sonra klubda hansı vəzifəni yerinə yetirəcək?
Biz onunla əməkdaşlıığı davam etdirəcəyik. Onun yeni vəzifəsi baş məşqçi Cavad Gülərin şəxsi köməkçisi olacaq. Yəni, köməkçi məşqçi vəzifəsini içra edəcək.
- Növbəti mövsüm üçün klub olaraq hədəfiniz nə olacaq?
- “Rəvan”ın növbəti mövsümdəki hədəfi yüksək pillələrdə qərarlaşaraq avrokuboklara vəsiqə qazanmaqdır.
- Transferlərlə bağlı məsələlələr necə gedir?
- Bu ayın 18-dən sonra kluba əcnəbi futbolçuların gəlişi gözlənilir. Elələri olacaq ki, birbaşa klubla müqavilə imzalamaq üçün gələcəklər. Eyni zamanda yerli oyunçularla bağlı da işlər gedir.
- Daha çox hansı mövqeləri gücləndirmək nəzərdə tutulub?
- Xüsusən orta və hücum xəttini gücləndirmək istəyirik.
- Komanda təlim-məşq prosesini hansı ölkədə keçmək qərarına gəlib?
- Bir müddət Bakıda məşq keçdikdən sonra komanda Sloveniyaya yola düşəcək. Bu səfər təxminən iyul ayının ortasına təsadüf edəcək.
Əli HƏYATİ
Uğursuz mövsüm "Nyukasl"a baha başa gələ bilər
Bu stadion Mirça Luçeskunun adını daşıyacaq
İspaniya çempionatı matçlarının yeri dəyişdirilir?
Millinin yeni baş məşqçisi bəlli oldu
DÇ-2026 matçlarını rekord sayda hakim idarə edəcək
Salah "Qalatasaray"a keçir?
“Bu matçın xeyrini gələcəkdə görəcəyik”
"Qızıl top" namizədləri: Keyn, Mbappe...
Azərbaycan millisi Gürcüstana uduzdu
ÇL-də həftənin rəmzi komandasında kimlər var?
Lider "Şəfanın" qələbəsindən - Video
"Yuventus" Spalletti ilə bağlı qərar verdi
ÇL-də həftənin ən yaxşı oyunçusu bilindi
Azərbaycan millisinin məşqçisi Norveç klubunun düşərgəsində
"Çelsi" baş məşqçini göndərə bilər
"Barselona" Avropada liderdir
1-ci liqada 2 turun oyun cədvəli açıqlandı
"Milan" Qoretzkaya müqavilə təklif etdi
Tahir Gözel "Azərsun Holdinq"in yeni rəhbəri oldu
Tərlan Quliyev mükafatlandırıldı
İki komandaya texniki məğlubiyyət verildi
“Karvan-Yevlax” - “Kəpəz” oyununun hakimləri açıqlandı
Andrey Demçenko cəzalandırıldı
AFFA-dan klublara cəza və cərimələr
