Qadın güləşçilərimiz Yaponiyada və Almaniyada

Qadın güləşçilərimiz Yaponiyada və Almaniyada
GÜLƏŞ 24 May 2012 / 14:20 2708
-  A +

Ölkəmizin güləş üzrə qadınlardan ibarət yığma komandası mayın 26-27-də Yaponiyanın paytaxtı Tokioda keçiriləcək Dünya Kuboku turnirində iştirak edəcək.

Qol.Az-ın məlumatına görə, ev sahibi Yaponiya ilə yanaşı, Kanada, Monqolustan, ABŞ, Rusiya, Çin və Ukrayna yığmalarının da iştirak edəcəyi Dünya Kuboku turnirində Azərbaycan millisi məşqçilər Aslan Ağayev və Mehman Nəcəfovun rəhbərliyi altında yarışacaq. Heyətə Anjela Doroqan (48 kq), Nigar Əhmədova (51 kq), Sona Əhmədli (55 kq), Irina Netreba (59 kq), Anna Belyayeva (63 kq), Gözəl Zutova (67 kq) və Natalya Palamarçuk (72 kq) daxil edilib. Bundan başqa, Yarina Dubovska (55-59 kq) ehtiyat güləşçi kimi Yaponiyaya yollanıb.

AGF Hakimlər Kollegiyasının sədri, Beynəlxalq dərəcəli referi Qərib Əliyev hakim kimi ölkəmizi Dünya Kubokunda təmsil edəcək. Mayın 25-də atılacaq püşkə əsasən, komandalar hər birində 4 yığma olmaqla 2 qrupa bölünəcəklər. Mayın 26-da birdövrəlik qrup ğörüşləri keçiriləcək. Qrup qalibləri mayın 27-də finalda, ikinci yeri tutanlar isə bürünc medal uğrunda görüşdə üz-üzə gələcəklər.

London Yay Olimpiya Oyunlarına 48 və 55 kq çəkidə lisenziya qazanmış 2 qadın güləşçimiz – Mariya Stadnik və Yuliya Ratkeviç isə mayın 26-27-də Almaniyanın Dormagen şəhərində keçiriləcək beynəlxalq turnirdə iştirak edəcəklər. Böyük məşqçi Qrek Iqnatın rəhbərliyi altında Almaniyaya yollanan heyətə həmçinin 51 kq cəkili güləşçimiz Patimat Baqomedova da daxil edilib.

Daha çox


Son xəbərlər
27.03.24  21:58

Keyn sağaldı