"Zenit" 1/8 finalda, "Barselona"dan növbəti şou

Bu axşam Çempionlar Liqasının qrup mərhələsində sonuncu turun oyunlarına start verilib. Qol.Az-ın məlumatına görə, ilk oyun günündə 8 qarşılaşma baş tutub.

E qrupunun lideri “Bayer” (Leverkuzen) klubu səfərdə “Genk”in qonağı olub. Bu görüşdə qələbə qazanacağı təqdirdə Leverkuzen təmsilçisi qrupu 1-ci yerdə başa vuracaqdı. Lakin bu oyunda qalib müəyyənləşməyib - 1:1. Qrupun digər qarşılaşmasında isə “Çelsi” öz meydanında “Valensiya” ilə görüşüb və 3:0 hesabı ilə qələbə qazanıb.

G qrupunda isə birinci yerin sahibi bəlli olduğundan əsas mübarizə ikincilik uğrunda gedib. Ötən tur “Arsenal”a məğlub olmaqla işini çətinə salan “Borussiya” (Dortmund) evdə “Marsel”lə qarşılaşıb. Meydan sahibləri 2:0 irəli olsalar da, qonaqlar son dəqiqələrdə 2 qol vurmaqla qələbə qazanıblar 3:2. Qrupun digər matçında isə “Olimpiakos” doğma azarkeşləri önündə lider “Arsenal”ı qəbul edib və oyundan qalib ayrılıb - 3:1.

F qrupunda isə bütün diqqətlər Portuqaliyaya yönəlib. Burada qrup birinciliyini təmin edən APOEL-dən fərqli olaraq “Porto” və “Zenit” klubları ikincilik uğrunda mübarizə aparıb. Bu görüşdə qazanılacaq heç-heçə Peterburq təmsilçisini qane edəcəkdi ki, buna da nail olunub. APOEL isə son turda öz meydanında “Şaxtyor” (Donetsk) klubunu qəbul edib və 0:2 hesabı ilə məğlub olub.

H qrupunda baş tutacaq oyunlar isə formal xarakter daşıyıb. Artıq qrup liderliyini təmin etmiş “Barselona” öz meydanında BATE-ni sınağa çəkib və rəqibini 4 cavabsız qolla darmadağın edib. Qrup ikincisi “Milan” isə “Viktoriya” (Plzen) klubu ilə qarşılaşıb. Qonaqlar 2:0 hesabı ilə irəlidə olmalarına baxmayaraq, son dəqiqələrdə 2 top buraxmaqla oyundan 1 xalla ayrılıblar - 2:2.  

Bununla da, 1/8 finala vəsiqə qazanmış 8 komandanın adları müəyyənləşib. Bunlardan "Çelsi", "Arsenal", APOEL və "Barselona" qrup qalibi, "Bayer" (Leverkuzen), "Marsel", "Zenit" və "Milan" klubları isə qrup ikincisi kimi 1/8 finala vəsiqə qazanıblar. Digər 8 komandanın kimliyinə isə bu axşam aydınlıq gələcək.

6 dekabr

Çempionlar Liqasının qrup mərhələsində sonuncu turun oyunları

E qrupu

23:45. “Genk” (Belçika) – “Bayer” (Leverkuzen) - 1:1
Qollar: Vossen, 30 (1:0), Dərdiyok, 79 (1:1)

23:45. “Çelsi” (İngiltərə) – “Valensiya” (İspaniya) - 3:0
Qollar: Droqba, 3 (1:0), 76 (3:0), Ramires, 22 (2:0)

23:45. “Porto” (Portuqaliya) – “Zenit” (Rusiya) - 0:0

23:45. APOEL (Kipr) – “Şaxtyor” (Donetsk, Ukrayna) - 0:2
Qollar: Adriano, 62 (0:1), Seleznyov, 78 (0:2)

A qrupu
 
23:45. "Mançester Siti" (İngiltərə) - "Bavariya" (Almaniya)
23:45. "Vilyareal" (İspaniya) – "Napoli" (İtaliya)

B qrupu
 
23:45. "İnter" (İtaliya) - CSKA (Moskva, Rusiya)
23:45. "Lill" (Fransa) – "Trabzonspor" (Türkiyə)

C qrupu
 
23:45. "Bazel" (İsveçrə) - "Mançester Yunayted" (İngiltərə)
23:45. "Benfika" (Portuqaliya) - "Otselul" (Rumıniya)

D qrupu

23:45. "Ayaks" (Hollandiya) - "Real" (Madrid,İspaniya)
23:45. "Dinamo" (Zaqreb, Xorvatiya) – "Lion" (Fransa)