"Bakı" yenə uduzdu, Verpakovski ilk qolunu vurdu

"Bakı" yenə uduzdu, Verpakovski ilk qolunu vurdu
ÖLKƏ FUTBOLU 9 İyul 2011 / 22:50 3725
-  A +

Sloveniyada təlim-məşq toplantısını davam etdirən "Bakı" klubu bu gün 3-cü yoldaşlıq oyununa çıxıb. Qol.Az-ın məlumatına görə, "zolaqlılar" Xorvatiyanin yüksək liqa təmsilçisi “İstra” ilə qarşılaşıb. 

Qarşılaşma Lyublyana yaxınlıındakı "Sportni Park Radomle" stadionunda baş tutub. Oyun "İstra"nın qələbəsi ilə yekunlaşıb - 2:1. 32-ci dəqiqədə xorvatiyalılar 11 metrlik cərimə zərbəsindən hesabı açıblar. Şehiç fərqlənib. 47-ci dəqiqədə Maris Verpakovski hesabı bərabərləşdirib. Bu, Verpakovskinin "Bakı"nın heyətində ilk qolu olub. Lakin 75-ci dəqiqədə Qrbiç "İstra"nın qələbə topunu vurub.

"Bakı"nın baş məşqçisi Aleksandr Starkov oyun ərzində Deyvidas Çesnauskisdən başqa bütün yeni transferlərə şans verib. Start heyətində bu futbolçular yer alıb: 

1. Marko Şarliya 15. Cəmşid Məhrərəmov 5. Stevan Bates. 77. Aleksandar Soliç 6. İbrahim Karqbo 7. Rəhman Hacıyev 10. Vyaşeslav Sofroni 14. Elvin Əliyev 36. Uinston Parks 22. Maris Verpakovski 18. Denis İvanov

"Bakı" ikinci yarıya dəyişikliklərlə başlayıb. Cəmşid Məhərrəmov, Stevan Bates, Aleksandar Soliç və Elvin Əliyevin əvəzinə Vadim Borets, Aleksey Savinov, Emin Cəfərquliyev və Novruz Məmmədov daxil olublar. 65-ci dəqiqədə Nicat Abdullayev Uinston Parksı, 72-ci dəqiqədə Nurlan Novruzov Maris Verpakovskini, 81-ci dəqiqədə Ernad Skuliç İbrahim Karqbonu, 85-ci dəqiqədə isə Şəhriyar Əliyev Vyaçeslav Sofronini əvəzləyib.

Futbol azarkeşləri “İstra” ilə görüşü “Bakı”nın rəsmi saytı vasitəsilə canlı izləyiblər.

Qeyd edək ki, "Bakı" əvvəlki yoxlama görüşlərində Sloveniya "Domjale"sinə və Xorvatiya "Dinamo"suna da uduzub - 0:2.  

Daha çox


Son xəbərlər