20:44
Türkiyənin İstanbul şəhərinin Əmniyyət Müdirliyi (İstanbul baş polis idarəsi) ölkə futbolundakı danışılmış oyunlar və digər qanunsuz əməllərlə əlaqədar aparılan təhqiqatla bağlı ilk dəfə olaraq rəsmi açıqlama yayıb.
Açıqlamada bildirilir ki, 2010/2011 futbol mövsümündə Türkiyə Super Liqasında və 2-ci liqada 19 danışılmış matçın olduğu müəyyənləşib. Danışılmış oyunları təşkil edən, müvafiq göstərişlər verən, pul transferlərində iştirak edən mütəşəkkil dəstənin üzvlərinin yaxalanması üçün polisin iyunun 4-də həyata keçirdiyi əməliyyat zamanı bu şəxslərin ev və ofislərində 8 qanunsuz silah tapılıb.
Açıqlamaya əsasən təhqiqat zamanı Türkiyə Futbol Federasiyasının martın 31-də keçirdiyi menecerlik imtahanından əvvəl sualların mütəşəkkil dəstənin üzvləri tərəfindən oğurlanıb satıldığı da bəlli olub: “Mütəşəkkil cinayətkar dəstə tərəfindən lisenziyasız menecerlər vasitəsilə yüksək miqdarda haqsız qazanc əldə edildiyi, bəzi idman klublarının hesablarında qanunsuzluqlar olduğu, bir sıra futbolçuların hədə-qorxu yolu ilə alacaqları maaş və mükafatlardan zorla vaz keçirildiyi dəlil-sübutlarla müəyyənləşdirilib”.
Xatırladaq ki, iyunun 4-də keçirilən əməliyyat zamanı Türkiyənin ən böyük idman klublarından olan “Fənərbağça”nın prezidenti Əziz Yıldırım, klubun vitse-prezidenti Şekip Mosturoğlu, klubun direktoru İlhan Ekşioğlu, klubun baş mühasibi, həmçinin “Sivasspor” klubunun prezidenti Məcnun Otyakmaz, “Əskişəhərspor” futbol komandasının baş məşqçisi Bülənt Uyğun, eyni klubun idman direktoru Ümit Karan, “Fənərbağça”nın “Əskişəhərspor”dan transfer etdiyi futbolçu Sezər Öztürk və “Karabükspor”dan transfer etdiyi nigeriyalı futbolçu Emmanuel Emenike, eləcə də bir sıra başqa klubların rəhbərləri, menecerlər, danışılmış oyunlarda vasitəçilik edənlər saxlanılıb. Əziz Yıldırım mütəşəkkil cinayətkar dəstənin lideri olmaqda ittiham edilir.
Türkiyə Futbol Federasiyasının iyulun 15-nə qədər danışılmış oyunlarda adı hallanan klublarla bağlı qərar verəcəyi gözlənilir. Ehtimallara görə, “Fənərbağça”nın son mövsümdə əldə etdiyi çempionluq ləğv olunacaq və komanda 2-ci liqaya göndəriləcək (APA).
"Traktor"dan daha bir kubok
Ronaldo Corcinaya evlilik təklif etdi - Şəkil
"Sumqayıt" braziliyalı futbolçu transfer etdi
"Sabah" - "Levski" oyununa nə qədər bilet satılıb?
"Qarabağ"la ilk görüşdə istədiyimiz səviyyədə oynaya bilmədik" - "Şkendiya"nın futbolçusu
İtaliya millisinin üzvü "Atletiko"da
"Qəbələ" nigeriyalı oyunçu aldı - Rəsmi
İki qardaş eyni gündə Azərbaycan klublarına transfer olundu
Adı “Qarabağ”la hallanan Klovis transfer olunacaqmı?
“Bir hücumçu gətirməklə dayanmayacağıq” - Qurban Qurbanov
Millimizin sabiq üzvü bu kluba keçdi
Mikelsin digər qardaşı da Azərbaycana gəldi - Rəsmi
"Bavariya"dan Səudiyyə Ərəbistanı klubuna
“Yuventus”un sabiq futbolçusu "Milan"da
“Zirə” - “Araz Naxçıvan” oyununun vaxtı dəyişdirildi
"Murad Musayev "Sabah"ı dəyişdi" - Aleksey Baqa
QOL.az daha əlçatan oldu!
