21:19
"Liverpul"un yarımmüdafiəçisi Dominik Soboslai cari mövsüm Çempionlar Liqasında fərqlənməyi bacarıb.
QOL.az "Squawka" statistika portalına istinadən xəbər verir ki, macarıstanlı futbolçu turnirdə ən çox qol imkanı yaradan oyunçu adına sahib çıxıb. Onun aktivində komanda yoldaşları üçün yaratdığı 7 real qol epizodu var.
Siyahının ikinci pilləsini hərəyə 6 qol şansı yaradan Soboslainin komanda yoldaşı Kodi Qakpo və "Atalanta"nın üzvü Şarl De Ketelare bölüşürlər. Onlardan sonrakı yerlərdə isə hərəyə 5 təhlükəli epizodla Serj Qnabri ("Bavariya"), Məhəmməd Salah ("Liverpul"), Deklan Rays ("Arsenal") və Lamin Yamal ("Barselona") qərarlaşıblar.
Xatırladaq ki, dünən Çempionlar Liqasının 7-ci turu çərçivəsində baş tutan Marsellə qarşılaşmada "Liverpul" 3:0 hesablı qələbə qazanıb və qollardan birini məhz Soboslai vurub.
