17:09
“Sumqayıt”ın qapıçısı Mehdi Cənnətovun QOL.az saytına müsahibəsi
- Misli Premyer Liqasının 8-ci turunda “Karvan-Yevlax”ı rahatlıqla məğlub etdiniz. 4:1 hesablı qələbəni necə şərh edərdiniz?
- Oyun bizim üstünlüyümüzlə keçdi. Layiqli qələbə qazandıq. Düzdür, qol buraxmağımız heç də xoş deyil. İstərdim ki, qapımı toxunulmaz saxlayım.
- Hesab arasındakı fərqin böyük olacağını gözləyirdiniz?
- Həftə boyu matça yaxşı hazırlaşmışdıq. Hücumda effektli çıxış etdik, əldə etdiyimiz şansları dəyərləndirdik. Ona görə də böyükhesablı qələbə qazandıq.
- Görünən odur ki, çempionatda yaranan fasilə “Sumqayıt”a müsbət təsir edib. Razısınız?
- Bəli. Milli komandaların oyunları ilə əlaqədar yaranan fasilə bizə pis təsir etmədi. Yaxşı hazırlaşdıq. Düzdür, bəzi futbolçularımız millidə idilər, həm əsas yığmalarda, həm gənclərdə. Bu, tam heyətlə məşq etməyimizə mane olsa da, ümumilikdə fasilənin xeyrini gördük.
- Sanki “Sumqayıt”da stabillik çatışmır. Bunu nə ilə əlaqələndirmək olar?
- Bu, zaman məsələsidir. Heyətimizdə yayda ciddi dəyişikliklər oldu. Komandada yeni futbolçuların sayı çoxdur. Onlar kollektivə indi-indi öyrəşirlər. Çempionat uzun marafondur. Eniş də olur, bəzən konsentrasiya da çatmır. Daha çox çalışmaq lazımdır. İnanıram ki, gələn matçlarda da yaxşı oyun sərgiləyəcəyik.
- Növbəti turda “Zirə” ilə qarşılaşacaqsınız. Uğurlu çıxışı həmin matçda da davam etdirməyiniz realdır?
- Bu qələbə bizə inam verəcək. “Zirə” güclü rəqibdir. Bizim üçün çətin olacaq. Yaxşı hazırlaşmalıyıq.
- Millinin daha bir toplanışı geridə qaldı və sizi yenə də heyətdə görmədik. Halbuki çempionatda mütəmadi oynayan 2-3 yerli qapıçıdan birisiniz. Oynamayanların yığmaya dəvət alması sizə necə təsir edir?
- Qərarı məşqçilər korpusu qəbul edir. Mən də buna hörmətlə yanaşıram. Bu, onların seçimidir. Məşqçilərin seçimini şərh etmək ixtiyarım yoxdur. Üzərimdə daha çox çalışmalıyam. Layiq bilsələr, dəvət göndərəcəklər.
"Barselona"nın baş məşqçisi futbolçularına xəbərdarlıq edib
Afrika Millətlər Kubokunun bürünc mükafatçısı bəlli oldu
FİFA prezidentinin maaşı 4 dəfə artıb
“Bavariya” 17 yaşlı futbolçu üçün hərəkətə keçdi
"Çelsi" evdə qələbə qazandı
"Tottenhem" baş məşqçisi ilə yollarını ayırır?
“Turan Tovuz” ev oyunlarını yenə Bakıda keçirəcək
“Neftçi”də yeni transfer olacaq? - Yuri Vernidub danışdı
Millinin etirazı təmin olundu - Məşq stadionu dəyişdirildi
Mbappe bu göstəricidə yalnız Ronaldodan geri qalır
"Real" "Levante"yə qalib gəldi
“Turan Tovuz”un ilk sınağı uğursuz oldu
"Çelsi"dən gənc müdafiəçi üçün 50 milyonluq təklif
Mançester derbisində möhtəşəm qələbə qazandılar
U-21 millimiz "Şamaxı"ya uduzdu
"Fənərbaxça"nın futbolçusu sıradan çıxdı
“Sabah”dan 9 qollu qələbə
“Gənclərə və yeni transferlərə şans verdik” - Azər Bağırov
Meydanda ürəyi dayanan futbolçu klubdan göndərildi
“Mançester Yunayted” yeni baş məşqçisindən bunu tələb edəcək
"Kəpəz" "Karvan-Yevlax"la heç-heçə etdi
