17:15
“Kəpəz”in yarımmüdafiəçisi Fərid Nəbiyevin QOL.az saytına müsahibəsi
- Misli Premyer Liqasının 8-ci turunda mövsümdə ilk qələbənizi qazandınız. “Şamaxı” üzərində 4:1 hesablı qələbəni necə şərh edərdiniz?
- “Şamaxı” çox yaxşı komandadır. Güclü müdafiə olunurlar. Buna görə də işimizin çətin olacağını bilirdik. Rəqib hesabda önə keçsə də, ruhdan düşmədik, çalışdıq əlimizə düşən fürsətləri dəyərləndirək. İlk hissədə geridönüş edə bildik. Rəqibin qırmızı vərəqə alması bizi bir qədər də rahatlaşdırdı. Çox gözəl, vacib qələbə qazandıq. Komandamızı təbrik edirəm. Biz buna layiqik. Həm də komandanın bu qələbəyə çox ehtiyacı var idi.
- Bu cür böyük hesabla qələbə qazanacağınızı gözləyirdiniz?
- Böyük hesablı qələbə gözləmirdik, lakin həftə ərzində oyuna çox yaxşı hazırlaşmışdıq. Bizi nə gözlədiyini bilirdik. “Şamaxı” hər bir rəqibə çətinlik yarada bilir. Amma hər bir komanda kimi, onların da boşluqları var. Çalışdıq həmin boşluqlardan faydalanaq.
- Demək olar ki, çempionatdakı fasilə “Kəpəz” üçün faydalı oldu?
- Əlbəttə, demək olar. Milli fasilə bizim üçün faydalı oldu.
- Bu qələbədən sonra “Kəpəz”in “qara zolaq”dan çıxdığını söyləmək mümkündür, yoxsa hələ tezdir?
- Bu qələbə bizə çox lazım idi. İlk 7 turda xal qazana bilməmişdik. Ona görə də qələbəyə çox ehtiyacımız var idi. Lakin artıq bu oyunu unutmalıyıq. İndi əsas məsələ bunun ardını gətirməkdir. Çünki qələbələ, xallara çox ehtiyacımız var.
- Azər Bağırovun gəlişi komandada nəyi dəyişib?
- İstər-istəməz komandada baş məşqçi dəyişikliyi olanda bu, futbolçulara təsir edir. Motivasiya artır. Ümumi olaraq Adil müəllimə də təşəkkür edirəm. İndi komandanı Azər müəllim çalışdırır. Əlimizdən gələni edirik ki, onun tapşırıqlarını yerinə yetirək. Bütün gücümüzü meydanda qoyacağıq ki, baş məşqçimizin istəklərini yerinə yetirib qələbələr qazanaq.
- “Şamaxı” ilə matçda iki qol vurdunuz. Öz çıxışınızdan razı qaldınız?
- Bu, mənim maksimumum deyil. Daha da qalxa bilərəm. Əlimdən gələni edəcəyəm ki, növbəti matçlarda da komandama faydalı olum.
- Yəni, qolların ardı gələcək?
- İnşallah. Bunun üçün daha çox çalışacağam.
- Növbəti turda qarşılaşacağınız “İmişli” ilə görüşdən gözləntiləriniz nədir?
- Artıq sabahdan həmin matçın hazırlıqlarına başlayacağıq. Məşqçilərimiz rəqibi analiz edəcəklər, bizə lazımi məlumatları çatdıracaqlar. Biz də əlimizdən gələni edəcəyik ki, həmin matçda da qələbə qazanaq.
Mbappe zədəsini sağaltdı
“Barselona” Lamin Yamalın həyat tərzindən narahatdır
“Qarabağ”ı liderliyə yüksəldən qələbə - Video
“Qarabağ” kimi komandaya qarşı oynamaq çətindir” - Berdiyev
Qurban Qurbanov: “Atletik” taktiki baxımdan güclüdür”
Yankoviç qayıtdı!
Yayda “Mançester Yunayted”dən ayrıla bilər
“Fənərbaxça”nın futbolçusu Braziliyaya qayıdır?
1-ci liqada 5-ci tura yekun vuruldu
“Kəpəz”in mövsümdə ilk qələbəsinin - Videosu
“Turan Tovuz” - “Qarabağ”: Heyətlər
Ayxan Abbasov: "Belə qırmızı vərəqələri bağışlamıram"
"Neftçi"nin sabiq futbolçusu ilə yollar ayrıldı
İngiltərə Premyer Liqası oyunçularının fantastik dəyəri
Azərbaycan millisi FİFA reytinqində irəliləyib
Ayın ən yaxşı qolunun müəllifləri mükafatlandırıldı
“Çelsi”nin ulduzu “Qarabağ”la oyunu buraxacaq
Yamal artıq pulsuz avtoqraf verə bilməyəcək
"Barselona"nın Qrizmannla müqaviləsi araşdırılır
"Şamaxı" - "Kəpəz": Heyətlər
Tribunalardan döyüş meydanlarına - Məhəmmədəli
Ronaldo 1000-ci qolu bu tarixdə vuracaq? - Proqnoz
Fransa millisinin üzvü ilə müqavilə uzadıldı
Modriç mövsümün sonunda sabiq klubuna qayıdacaq
Ronaldo 2025-ci ilin ən çox qazanan futbolçusudur - Siyahı
