03.08.25
Azərbaycan güləşçisi Hüseyn İsmayılov (65 kq) Yunanıstanın paytaxtı Afinada keçirilən U-17 dünya çempionatında finala yüksəlib.
QOL.az xəbər verir ki, o, əvvəlcə kanadalı Liam Qortonu üstələyib - 4:2.
Gəncə güləş məktəbinin yetirməsi 1/8 finalda yunanıstanlı Konstantinos Mixailidisə heç bir şans tanımayıb - 11:0.
İsmayılov daha sonra qırğızıstanlı Adisbek Altınbekovu çətinliklə də olsa, yolundan kənarlaşdırıb - 2:1. Hüseyn yarımfinalda isə qazaxıstanlı Yerali Askerbekdən güclü olub - 3:1.
Milli üzvü sabah finalda amerikalı Arseni Kikinyovla güləşəcək.
Digər təmsilçilərimizdən Rəvan Həsənzadə (48 kq) belaruslu və özbəkistanlı rəqiblərinə qalib gəlsə də, yarımfinalda amerikalı Ariah Millsə 2:7 hesabıyla məğlub olub. Həsənzadə sabah bürünc medal uğrunda Giorgi Narimanidze (Gürcüstan) - İslam Rabadanov (Rusiya) qarşılaşmasının qalibiylə güləşəcək.
Ruslan Əlizadə (55 kq) həm moldovalı Dan Bulqaru, həm də kanadalı Aaharen Piranavan üzərində 10:0 hesablı qələbə qazanıb. Güləşçimiz 1/4 finalda rusiyalı Çingis Sarıqlarla üz-üzə gəlib. Ruslan 6:1 hesablı üstünlük əldə etsə də, təşəbbüsü əldən verib və yekunda minimal fərqlə (8:9) xalçanı məyus tərk edib.
Nihad Süleymanlı (80 kq) debütdə ermənistanlı Vaçe Aslanyan üzərində inamlı qələbəyə sevinib - 7:1. Süleymanlı 1/4 finala çıxmağa da yaxın olub. Ancaq sona 3 saniyə qalmış qələbəni əldən verən Nihad rusiyalı İssa Zanqiyevə 5:7 hesabıyla məğlub olub.
Hakim Tağıyev (110 kq) debütdə belaruslu Mikita Tkaçiki vaxtından əvvəl mübarizədən kənarlaşdırıb - 10:0. Pəhləvanımız amerikalı Aleksander Teylora da gücünü göstərib - 7:6. Tağıyev 1/4 finalda rusiyalı Avropa çempionu Maqomedrasul Omarovla bacarmayıb - 0:5. Rəqib finala yüksəldiyi üçün Hakim sabah təsəlliverici görüşə çıxacaq. Onun rəqibi ya Laert Movsesyan (Ermənistan), ya da Yu Çuanq (Çin Taypeyi) olacaq.
Bir gündə iki müqavilə
Qvardiola boşanır
Renat Dadaşov qol vurdu
"Napoli" "Brest"ə uduzdu
"Leyptsiq" Simonsun yerinə "Çelsi"dən onu istədi
Amorim gənc oyunçusunun mümkün gedişi haqda danışdı
"Qarabağ" İspaniyadan futbolçu aldı - Şəkillər
"Şamaxı" "Sumqayıt"a qalib gəldi
Lukman "Atalanta"dan ayrılmaq istədiyini açıqladı
"Atletiko" "Barselona"nın oyunçusuna göz dikdi
Mahir "Kayzerslautern"də rəsmi debüt etdi - Yenilənib
"Liverpul" yetirməsini satır
“Arsenal”ın sabiq qapıçısı “Nyukasl”da
"Yuventus"un futbolçusu "Marsel"ə keçir
Dörd cüdoçumuz Avropa kubokunun ilk günündə medal qazandı
“Şkendiya” əvvəlcə “Qarabağ”ı, sonra “pley-off”u keçməlidir…” - Şimali Makedoniyada ümidlidirlər
İngiltərə millisinin üzvü "Vest Hem"ə keçdi
