19:46
“Araz-Naxçıvan”ın kapitanı Ürfan Abbasov Konfrans Liqasının 2-ci təsnifat mərhələsindəki rəqibləri “Aris” haqda fikirlərini bildirib.
O, QOL.az-a açıqlamasında Yunanıstan klubunun asan rəqib olmadığını deyib:
“Aris” haqqında hələlik ümumi məlumatımız var. Bilirik ki, güclü rəqibdir. Hələ qarşımızda vaxt olacaq. “Aris”i analiz edəcəyik. Amma ilk olaraq komandamız tam formalaşmalıdır. Yeni oyunçular gəlməlidir və biz təlim-məşq toplanışında birlikdə çalışmalıyıq. Futbolçular bir-birinə uyğunlaşmalıdır. Bundan sonra necə olacağını zaman göstərəcək”.
Məhdud imkanlarla Premyer Liqada 3-cü olan “Araz-Naxçıvan” bizi Konfrans Liqasında da təəccübləndirə bilərmi? Komandanın kapitanı əvvəlcə yaxşı heyət qurmalı olduqlarını düşünür: “Bilirik ki, “Aris” güclüdür. Amma hər şey hazırlaşmaqdan asılıdır. Bizə yeni oyunçular gələcək. Onların adaptasiyasının necə getməyindən də çox şey asılı olacaq. Amma baş məşqçimiz Elmar Baxşıyevin yığdığı heyət həmişə öz sözünü deyib. Mən inanıram ki, bu dəfə də belə olacaq və biz yaxşı nəticələr uğrunda mübarizə aparacağıq”.
Ü.Abbasov Azərbaycan klubları ilə Yunanıstan təmsilçiləri arasındakı oyunların prinsipiallığı ilə seçildiyini də qeyd edib: “Yunan klubları həmişə aqressivlikləri ilə seçiliblər. Xüsusilə Azərbaycan klublarına qarşı. "Qəbələ"də çıxış edərkən bunun şahidi olmuşam. Amma onlar nə qədər aqressiv olsalar, biz ondan da artığını etməliyik”.
Qeyd edək ki, "Araz-Naxçıvan"la "Aris" arasında oyunlar iyulun 24-də Bakıda, 31-də isə Yunanıstanda keçiriləcək.
Noyer sıradan çıxdı
Keyn Top-5-də liderdir
Tofiqin rəqibi müəyyənləşdi - Las-Veqasda döyüş olacaq
Premyer Liqa klubu aşağı liqa təmsilçisinə uduzdu
Azarkeşlərin "vəfasızlığından" şikayətləndi
Ramos doğma klubunu alır?
Superliqa klubu baş məşqçisi ilə sağollaşdı
Ronaldo yenidən yaşıl meydanlarda
Millimizin üzvü oynadı, komandası heç-heçə etdi
Kukurella "Finalissima" matçına çıxacaq?
