20:46
"Oyuna yaxşı başlamadıq. Qol buraxsaq da, yaxşı reaksiya verdik. Bundan sonra balanslı oyun oldu. Ancaq ikinci qolu buraxdıq".
QOL.az xəbər verir ki, bu sözləri Azərbaycan milli komandasının baş məşqçisi Fernandu Santuş Macarıstana uduzduqları yoldaşlıq oyunundan sonra mətbuat konfransında deyib.
Portuqaliyalı mütəxəssis 1:2 hesablı məğlubiyyəti belə şərh edib: "İkinci hissə daha çətin keçdi. Rəqibdə keyfiyyətli oyunçular var. Asan top itirmirlər. Amma oyunçularım sona qədər inanırdı ki, bərabərlik qolunu vura bilərlər. Lakin bəzi oyunçularda yorğunluq var idi və bu, özünü göstərdi. Ona görə dəyişiklik etdim. Oyunun sonlarında 3 epizod yaratdıq, ancaq alınmadı. Futbolda bəxt də lazımdır. Son iki oyunda futbolçulardan razı qaldım. İnkişaf etdilər".
Santuş "Qarşıdan gələn rəsmi oyunlarla bağlı nə dərəcə də nikbinsiniz?" sualını belə cavablandırıb: "Bu barədə oyunçularla danışıram. Nəyi yaxşı edə bilərik, nə narahat edir, bunları onlara deyirəm. Çalışmalı olduğumuz məqamların üstündə işlədik. İstədiyim şeyləri görə bildim. Əlbəttə, çatışmayan şeylər hələ də var. Yaxşı şeyləri də bildirməliyəm".
70 yaşlı mütəxəssis "Azərbaycanda kişilərin pensiya yaşı 65-dir. Bəs Portuqaliyada neçədir?" sualının isə futbolla əlaqəli olmadığını deyib: "Bu suala cavab verməyəcəm. Futbolla nə əlaqəsi var?"
Santuş millimizin qolu qaydalar çərçivəsində vurduğunu da bildirib.
Millimizin çalışdırıcısı komandasının 10 oyundur qələbə qazana bilməməsi ilə bağlı da danışıb: "Bu gün əvvəlkilərlə müqayisədə yaxşı çıxış etdik. Futbolçuları heç vaxt açıq fomada tənqid etməmişəm və etmərəm".
F.Santuş Emin Mahmudovu dayaq yarımmüdafiəçisi mövqeyində oynatmaqla onu yaradıcılıq potensialından məhrum etməsi fikri ilə razılaşmayıb: "O mövqedə dünyanın ən yaxşı oyunçularından biri Pirlodur. O, dayaq yarımmüdafiəsində də texnikasını göstərib. Emin də bu gün yaxşı oynadı. Bu mövqedə onun daha yaxşı olduğunu düşünürəm. Böyük rəqiblərə qarşı irəlidə boşluq az olur. Emin də yaxşı texnikaya sahibdir və son iki matçda mükəmməl oynayıb".
PSJ-də itkilər var
"Liverpul" xal itirdi
A Seriyasına qayıtdılar
PSJ Enrike ilə razılaşdı
Cəlal üçün 90 dəqiqə
"Kəpəz"in çempion üzərində qələbəsi - Video
"Üzülməyə vaxt yoxdur" - Valdas Dambrauskas
"Kəpəz" "Sabah"a qalib gəldi, "Zirə" xal itirdi
Azərbaycan millisi Rumıniyaya böyük hesabla uduzdu
"İmişli" "Zirə"dən belə xal aldı - Video
Jorj Kaşkilya: "İmişli" öz məqsədinə nail olub"
"May ayında palçıqda futbol oynayırıq" - Rəşad Sadıqov
"Sabah" - "Kəpəz": Heyətlər
Qvardiola Premyer Liqanın ən yaxşısı seçildi
Amil Yunanov və İlkin Qırtımov cəzalandırıldı
AFFA-dan Yankoviçə ağır cəza, "Qarabağ"a 74500 manat cərimə
Azərbaycanı Avropa çempionatında onlar təmsil edəcək
"İmişli" - "Zirə": Heyətlər açıqlandı
1-ci liqada bütün oyunlar eyni saatda
Rəhim Həsənov Rövşən İrmatovla görüşdü
Futzal üzrə birinci liqanın qalibi müəyyənləşdi
"Qalatasaray"da ciddi itki
"Sumqayıt"ın legionerinin qolu liqanın ən yaxşısı seçildi
Finallarda 300 minə yaxın tamaşaçı
