22:43
İngiltərə Futbol Assosiasiyasının Hakimlər Komitəsinin rəhbəri Hovard Uebb Premyer Liqa matçlarını idarə edən hakimlərin gəlirlərini açıqlayıb.
QOL.az xəbər verir ki, o, bu haqda İngiltərə klublarının nümayəndələri ilə görüşdə bildirib.
Onun dediyinə görə, Premyer Liqa hakimi ildə orta hesabla 240 min funt sterlinq (təxminən 285 min avro) gəlir əldə edir. Bu məbləğ sığorta, oyun üçün ödənişlər və bonusları da əhatə edir. Select qrupuna 21 hakim daxildir.
Çempionşipdə çıxış edən hakimlərin gəliri isə iki dəfə azdır. Select2 qrupuna 18 hakim daxildir.
Development qrupunda isə 29 hakim var ki, onlar 1-ci və 2-ci liqalarda çalışır və illik maaşları 30 min funt sterlinqə qədərdir.
Uebb qeyd edib ki, hakimlik sisteminin maliyyə durumu yaxşı deyil və növbəti beş il ərzində hakimlərin hazırlanması və təyinatına cavabdeh olan PGMOL şirkətinin zərəri 23 milyon funt sterlinqə çata bilər. Bu vəziyyət inflyasiya və əlavə xərclərlə bağlıdır.
Şirkətin operativ fəaliyyət xərcləri son səkkiz ildə 16 milyon funt sterlinqdən 33 milyona yüksəlib. Proqnozlaşdırılan gəlir isə 31,2 milyon təşkil edir, yəni artıq bu il maliyyə çatışmazlığı gözlənilir.
Hakimlərə maliyyə ayıran qurumlar bunlardır:
- Premyer Liqa klubları – 17,4 milyon funt sterlinq
Futbol Assosiasiyası – 4,2 milyon funt sterlinq
- Futbol Liqası – 7 milyon funt sterlinq
- Qadınlar Liqası – 1 milyon funt sterlinq
“Daily Mail”in məlumatına görə, Uebbin çıxışı qarışıq reaksiyalarla qarşılanıb. Bəziləri onun fikirlərini dəstəkləsə də, digərləri əlavə maliyyələşdirmə tələbindən narahat olublar. Bəzi klub rəsmiləri vəsaitlərin həqiqətən hakimlərin inkişafına yönəldiləcəyinə deyil, bürokratik və inzibati məsələlərə sərf olunacağına dair şübhələrini ifadə ediblər.
“Yuventus” cərimələndi
Atasının yolu ilə
Messi daha bir rekordun astanasında
Millinin heyətindən kənarda qaldı
“Qalatasaray”dan Okan Burukla bağlı açıqlama
Yalnız Ronaldodan geri qalır
“Turan Tovuz” - “Fənərbaxça” matçının vaxtı bəlli oldu
“Sabah”ın ÇL oyunları üçün vahid biletlər satışa çıxarıldı
2-ci liqada 4-cü tura yekun vuruldu
La Liqa derbisinin hakimi cəzalandırıla bilər
