Avropa Liqasında Liqa mərhələsinə yekun vuruldu

Bu gecə UEFA Avropa Liqasında Liqa mərhələsinə yekun vurulub.

QOL.az xəbər verir ki, 18 matçın hamısı eyni vaxtda keçirilib. 

Azərbaycan təmsilçisi "Qarabağ" Yunanıstanda "Olimpiakos"un qonağı olub. Görüşdə meydan sahibləri 3:0 hesabı ilə qalib gəliblər. Bu oyun "Qarabağ" üçün formal xarakter daşıyıb. Çünki Ağdam təmsilçisinin pley-offa adlaya bilməyəcəyi hələ ötən tur dəqiqləşmişdi. 

Türkiyə klublarından "Qalatasaray" "Ayaks"a uduzub. "Fənərbaxça" "Midtyulland"la heç-heçə edib. "Beşiktaş" isə "Tvente"yə məğlub olub. 

Yekun nəticələrə görə, "Qalatasaray" və "Fənərbaxça" pley-offa vəsiqə qazanıb, "Beşiktaş" isə mübarizəni dayandırıb.

"Mançester Yunayted" ötən tur "Qarabağ"ı məğlub edən FCSB-yə 2 cavabsız qol vurub. "Tottenhem" isə "Elfsborq"a böyük hesabla qalib gəlib.

Qeyd edək ki, Liqa mərhələsində 1-8-ci yeri tutanlar 1/8 finala, 9-24-cü yeri tutanlar isə pley-off mərhələsinə yüksəlib. 25-36-cı yeri tutanlar avrokuboklarda iştkrakını başa vurur.

Daha əvvəl "Latsio"nun birbaşa 1/8 finalda mübarizə aparacağı dəqiqləşmişdi. Həmçinin  "Atletik", "Anderlext", "Lion", "Ayntraxt", "Qalatasaray", "Mançester Yunayted", FCSB, "AZ Alkmaar", "Bodo-Qlimt", "Viktoriya", "Olimpiakos", "Reyncers", "Tottenhem" və "Yunion"un ən az pley-offa vəsiqə əldə etdiyi məlum idi.

Bugünkü matçlardan sonra isə bütün 1/8 finalçıların və pley-offçuların adına aydınlıq gəlib. 

Xatırladaq ki, yanvarın 31-də Avroliqada pley-off mərhələsinin püşkü atılacaq. Bu mərhələnin ilk matçları fevralın 13-də, cavab görüşləri fevralın 20-də keçiriləcək.

1/8 finalın püşkatma mərasimi isə fevralın 21-də olacaq. Bu mərhələnin ilk oyunları 6 martda, cavab qarşılaşmaları 13 martda keçiriləcək.

Avropa Liqası, Liqa mərhələsi, 8-ci tur

30 yanvar

00:00. "Roma" (İtaliya) ­– "Ayntraxt" (Almaniya) - 2:0

Qollar: Anxelino, 44, Şomurodov, 69

00:00. "Ayaks" (Niderland) – "Qalatasaray" (Türkiyə) - 2:1

Qollar: Traore, 23, Fitz-Jim, 58 - Osimhen, 90+4

00:00. "Anderlext" (Belçika) – "Hoffenhaym" (Almaniya) - 3:4

Qollar: Vazkez, 18, Qoto, 79, Auqustinsson, 88 - Hranak, 41, Bişof, 54, Ntusu, 59, Hlozek, 65

00:00. "Atletik" (İspaniya) – "Viktoriya" (Çexiya) - 3:1

Qollar: Villiams, 25, Alvarez, 64, Marton, 90+5 - Havel, 71

00:00. "Dinamo" (Kiyev, Ukrayna) – RFS (Latviya) - 1:0

Qol: Pikhalyonok, 76

00:00. "Midtyulland" (Danimarka) – "Fənərbaxça" (Türkiyə) - 2:2

Qollar: Dyao, 27, Bskov, 86 - En Nesyri, 39, Dzeko, 47

00:00. "Tvente" (Niderland) – "Beşiktaş" (Türkiyə) - 1:0

Qol: Rots, 76

00:00. FCSB (Rumıniya) – "Mançester Yunayted" (İngiltərə) - 0:2

Qollar: Dalot, 60, KMayno, 68

00:00. "Ferençvaroş" (Macarıstan) – "AZ Alkmaar" (Niderland) - 4:3

Qollar: Romdhane, 9, 45, Traore, 34, Varqa, 82-pen. - Mynans, 76, 90+5, Parrot, 90

00:00. "Lion" (Fransa) – "Ludoqorets" (Bolqarıstan) - 1:1

Qollar: Tolisso, 54 - Almeyda, 77

00:00. "Makkabi" (Tel-Əviv, İsrail) – "Portu" (Portuqaliya) - 0:1

Qol: Niko, 58

00:00. "Nitsa" (Fransa) – "Bodo-Qlimt" (Norveç) - 1:1

Qollar: Bouanani, 74 - Byorkan, 54

00:00. "Olimpiakos" (Yunanıstan) – "Qarabağ" (Azərbaycan) - 3:0

Qollar: El Kaabi, 56, 60, Biankon, 89

00:00. "Reyncers" (Şotlandiya) – "Yunion" (Belçika) - 2:1

Qollar: Raskin, 21, Çerni, 55 - Mak Alister, 83

00:00. "Real Sosyedad" (İspaniya) – PAOK (Yunanıstan) - 2:0

Qollar: Oskarsson, 43, 48

00:00. "Braqa" (Portuqaliya) – "Latsio" (İtaliya) - 1:0

Qol: Horta, 6

00:00. "Slaviya" (Çexiya) – "Malmö" (İsveç) - 2:2

Qollar: Çroy, 46, Şkranz, 76 - Ali, 69, Bolin, 71

00:00. "Tottenhem" (İngiltərə) ­– "Elfsborq" (İsveç) - 3:0

Qollar: Skarlet, 70, Ajayi, 84, Moore, 90+4