Penalti sayəsində qazanılan qələbə (YENİLƏNİB)

La Liqanın növbəti turuna "Vilyarreal" - "Saraqosa" matçı ilə yekun vurulub. Qol.Az-ın məlumatına görə, 3-cü yer uğrunda mübarizə aparan meydan sahibləri istəklərinə dəqiq penalti zərbəsi sayəsində çatıblar.

Hesabat turunda bütün dünya futbol ictimaiyyətinin diqqəti Madridə yönəlib. La Liqanın növbəti turu çərçivəsində "Real" (Madrid) klubu öz meydanında əzəli rəqibi "Barselona"nı qəbul edib. Son 18 gün ərzində 4 dəfə qarşılaşacaq "Real" və "Barselona" komandalarının ilk görüşü heç-heçə ilə nəticələnib. La Liqanın birinci dövrəsində səfərdə "Barselona"ya 0:5 hesabı ilə məğlub olan "Real" futbolçuları doğma azarkeşlər önündə nəyə qadir olduqlarını göstərməyə çalışıblar. Lakin nəticə "kral klubu" üçün heç də ürəkaçan olmayıb. 

"El-Klassiko" tarixində bu komandaların 209-cu görüşündə 43-cü heç-heçə qeydə alınıb. Əvvəlki oyunlarda qələbə nisbəti "Real"ın tərəfində (85:82) olsa da, 1:1 hesablı heç-heçə əslində madridlilər üçün məğlubiyyətə bərabər olub. Çünki paytaxt komandası lider "Barselona" ilə 8 xallıq fərqi aradan qaldıra bilməyib.

Hər iki qol penaltidən vurulub. Əvvəlcə hakim "Real"ın futbolçusu Raul Albiolu kobud oyuna görə meydançadan qovaraq, penalti təyin edib. "Barselona"nın ulduzu Lionel Messinin zərbəsi dəqiq olub. Matçın sonlarında isə bu imkanı "kral klubu" əldə edib. Bu dəfə Kriştianu Ronaldu qol vurub. Beləliklə, sona 6 tur qalmış "Barselona" xallarını 85-ə çatdırıb. "Real" isə 77 xalla ikinci pillədə qalıb.   


İspaniya çempionatı, 32-ci tur

16 aprel

21:00. "Xetafe" - "Sevilya" - 1:0
Qol: Nikolas Miku, 76

21:00. "Malaqa" - "Malyorka" - 3:0
Qollar: Sebastyan Fernandes, 26. Julio Baptişta, 40; 57 

23:00. "Almeriya" - "Valensiya" - 0:3
Qollar: Roberto Soldado, 51. Marius Stankyaviçyus, 67. Xordi Alba, 81

01:00. "Real" - "Barselona" - 1:1
Qollar: Kriştianu Ronaldu, 82-pen. - Lionel Messi, 51-pen.
Qırmızı vərəqə: Raul Albiol, 51 ("Real")

"Real": 1. İker Kasilyas, 4. Serxio Ramos, 18. Raul Albiol, 2. Rikardo Karvalyo, 12. Marselo, 24. Sami Xedira, 3. Pepe, 14. Xabi Alonso, 22. Anxel Di Maria, 9. Kərim Benzema, 7. Kriştianu Ronaldu

"Barselona": 1. Viktor Valdes, 2. Daniel Alveş, 3. Xerard Pike, 5. Karles Puyol, 21. Adriano, 8. Andres İnyesta, 16. Serxio Buskets, 6. Xavi Ernandes, 17. Pedro Rodriges, 10. Lionel Messi, 7. David Vilya

17 aprel

20:00. "Deportivo" - "Rasinq" - 2:0
Qollar: Lassad, 45. Xisko, 49

20:00. "Levante" - "Erkules" - 2:1
Qollar: Ruben Suares, 5. Xuanlu, 43 - David Trezege, 82

20:00. "Real Sosyedad" - "Sportinq" - 2:1
Qollar: Antoni Qrizmann, 32; 79 - De las Kuevas, 69 

22:00. "Osasuna" - "Atletik" - 1:2
Qollar: Kike Sola, 51 - Fernando Lyorente, 69. İker Muniain, 90
Qırmızı vərəqələr: Serxio, 87 - Xabyer Kastilyo, 57

00:00. "Espanyol" - "Atletiko" - 2:2
Qollar: Pablo Osvaldo, 38; 58 - Koke, 2. Serxio Aqüero, 49 

18 aprel

00:00. "Vilyarreal" - "Saraqosa" - 1:0
Qol: Cüzeppe Rossi, 71-pen.
Qırmızı vərəqə: İkeçukvu Uçe, 90 ("Saraqosa")