Ozan Can "Eyndhoven"i məğlubiyyətdən xilas etdi

Ozan Can "Eyndhoven"i məğlubiyyətdən xilas etdi
DÜNYA FUTBOLU 2 Mart 2024 / 12:30 1499
-  A +

Azərbaycan millisinin üzvü Ozan Can Kökçünün formasını geyindiyi "Eyndhoven" Niderland 1-ci divizionunda 28-ci tur oyununa çıxıb.

QOL.az xəbər verir ki, komanda doğma meydanda "Yanq AZ Alkmar"ı qəbul edib. Matç 1:1 hesabı ilə başa çatıb.

Ozan Can da bu görüşün iştirakçısı olub. 25 yaşlı yarımmüdafiəçi meydana start heyətdə çıxıb və sonadək mübarizə aparıb

O, 64-cü dəqiqədə "Eyndhoven"in yeganə qolunu vurub və komandasına 1 xal qazandırıb. Futbolçu 90+3-cü dəqiqədə sarı vərəqə ilə cəzalandırılıb. Rəqibin heyətində isə 57-ci dəqiqədə Risenyo Keval fərqlənib.

Ozan Can bu oyunun ən yaxşısı seçilib.

Qeyd edək ki, 28 oyun keçirən "Eyndhoven" 34 xalla turnir cədvəlinin 14-cü pilləsində qərarlaşır.


Son xəbərlər