“Qarabağ”la oyundan əvvəl küçələr “Molde” bayrağı ilə bəzədildi - Şəkillər

“Qarabağ”la oyundan əvvəl küçələr “Molde” bayrağı ilə bəzədildi - Şəkillər
XƏBƏR 30 Noyabr 2023 / 15:52 5482
-  A +

Avropa Liqasının qrup mərhələsinin 5-ci turunda bu gün keçiriləcək "Molde" - "Qarabağ" oyunu öncəsi Molde şəhərinin küçələri Norveç klubunun bayrağı ilə bəzədilib.

QOL.az xəbər verir ki, bu gündən sözügedən şəhərdə bəzi yaşayış binalarının, restoranların, mağazaların önünə "Molde"nin bayrağı asılıb. 

Bu addım Molde şəhərində ənənə halını alıb. Vacib oyunlardan öncə həmişə şəhərin küçələrində bayraqlar yer alır.  Bəzi yerlərdə isə klubun banneri açılıb.

Şəhərdə bu oyuna maraq böyükdür. Bu da təsadüfi deyil. Çünki Norveç klubu "Qarabağ"a qarşı  matçda 2 top fərqi ilə qalib gələrsə, son turun nəticəsindən asılı olmayaraq, Avoliqanın pley-offuna vəsiqə qazanacaq. Ağdam təmsilçisi də rəqibini məğlub edəcəyi təqdirdə, 1 tur əvvəldən Avroliqada pley-offda iştirakı təmin edəcək.

Qeyd edək ki, "Molde" - "Qarabağ" görüşü yerli vaxtla 21:00-da (Bakı vaxtı ilə saat 00:00) başlayacaq.




















Səhifənin yuxarısına keçidYuxarı


Son xəbərlər
01.03.24  13:35

Sarri qovulur?

01.03.24  10:25

ETOPAZ 12 yaşında