19:02
"Qarabağ"ın futbolçusu Kevin Medina Misli Premyer Liqasının 7-ci turunda "Qəbələ" ilə oyundan sonra jurnalistlərin suallarını cavablandırıb.
Qol.az xəbər verir ki, sözügedən görüşdə qırmızı vərəqə ilə cəzalandırılan kolumbiyalı müdafiəçi Azərbaycanda çıxış etdiyi müddətdə cəmi 3 dəfə qırmızı vərəqə aldığını vurğulayıb: "Mən həmişə sakitəm. Səhv etmirəmsə, Azərbaycanda 3 qırmızı vərəqə almışam. Hər halda, 4-ü keçməmişəm. Mərkəz müdafiəçisi kimi bəlkə də ən azı sarı vərəqə məndədir".
Daha əvvəl müsahibələrinin birində qaydasız döyüşlə maraqlandığını deyən K.Medina "Hiss olunur ki, futbolçu ilə yanaşı, həm də döyüşçüsünüz" fikrinə də münasibət bildirib: (Gülür) Bunlar tamamilə fərqli idman növləridir. Mənə elə gəlir ki, videotəkrara baxsanız, orda niyə elə reaksiya verdiyimi görəcəksiz. Çoxları hərəkətimə fokuslanıb. Amma əslində, hücuma birinci məruz qalan tərəf mən olmuşam. Ona görə elə reaksiya göstərmək məcburiyyətində qaldım. Hakim qərar vermək üçün bütün epizodu görməlidir. Amma bu, futboldur. Eybi yoxdu, səhvlərdən öyrənirik.
K.Medina baş məşqçi Qurban Qurbanovun qırmızı vərəqə ilə bağlı paltardəyişmə otağında onu danlamadığını qeyd edib: "Yox. Aramızda adi məşqçi – futbolçu dialoqu oldu".
Müdafiəçi "Qəbələ" ilə görüşdə komandasının yaxşı çıxış etdiyini deyib: "Oyuna ilk dəqiqədən necə ciddi yanaşdığımızı gördünüz. Təxribata uyduğum epizodu nəzərə almasaq, mənə elə gəlir ki, komandamız yaxşı mübarizə apardı".
Futbolçu "Matçdan sonra “Qəbələ”nin insidentdə iştirak edən futbolçuları ilə barışıq söhbətiniz oldumu" sualını da cavablandırıb: "Əslində, meydanda olanlar meydanda da qalır. Peşəkarlar belə yanaşır. Hamımız insanıq da, olur. Kənarda danışdıq, bir-birimizi anladıq, bir-birimizdən də üzr istədik".
K.Medina baş məşqçi Qurban Qurbanovun da oyunda qırmızı vərəqə almasına toxunub: "Bu bir oyundur, mübarizədir. Hamı qalib gəlmək istəyir. Qurbanovu hamımız belə epizodlarda təmkinli yanaşan bir insan kimi tanıyırıq. Bu haqda nə deyəcəyimi həqiqətən bilmirəm".
Oyunçu klubun ona verə biləcəyi maddi cəriməyə də hazır olduğunu deyib: "Həmişə hər şeyə hazıram".
K.Medina sonda Avropa Liqasının qrup mərhələsinin 2-ci turunda “Hekken”ə qarşı Bakıda keçirəcəkləri oyun haqda sualı da cavablandırıb: "Hələlik qarşıda “Sumqayıt”la matç var. Bu matça hazırlaşacağıq. Artıq ondan sonra növbəti görüşə baxarıq, o haqda fikirləşərik".
Pedri mükafatlandırıldı
Bu gün "El-Klassiko" var
Emin Mahmudovun möhtəşəm qolu, "Neftçi"nin qələbəsi - Video
Misli Premyer Liqasına yüksələn klub bəyanat yaydı
Rəşad Sadıqov nəyə məyus oldu?
Volkovun "Zirə"yə qələbə gətirən qolu - Video
"Turan Tovuz" - "Neftçi": Heyətlər
Bu ölkədə şahmat qadağan edildi
"Barselona" üçün "El-Klassiko"dan öncə şad xəbər
Azərbaycanda ayın ən yaxşı qolları müəyyənləşdi
Selçuk İnan istefa verdi
"Səbail" - "Zirə": Heyətlər açıqlandı
Fabreqas A seriyasında ən yaxşı məşqçi seçildi
"Baş məşqçimizin bu qələbədə rolu böyük oldu"
Məşhur nəşr də Arda Turanın yeni komandasını açıqladı
"Zaqatala"dan "Karvan"a 3 cavabsız qol - Video
“UEFA prezidentinin sözlərini eşidəndə utandım”
Birinci liqada oyunların vaxtı açıqlandı
"Arsenal" yeni transfer edir
Millimiz Belarusa belə qalib gəldi - Video
