"Azərreyl" amerikalı voleybolçu transfer etdi

"Azərreyl" amerikalı voleybolçu transfer etdi
VOLEYBOL 14 Sentyabr 2023 / 20:27 1466
-  A +

Qadın voleybolçulardan ibarət “Azərreyl” klubu yeni mövsüm üçün heyətini gücləndirməyə davam edir.

Qol.az klubun saytına istinadən xəbər verir ki,  ABŞ-dan blokçu Tauri Mejini heyətə cəlb edilib.

186 sm boya malik blokçu ilə 1 mövsümlük müqavilə imzalayıb. O, ABŞ-ın “Texas Universiteti”ndən transfer olunub. Meji karyerasında ilk dəfə ölkə xaricində oynayacaq.

"Azərreyl" Rumıniya millisinin hücumçusu Ana-Maria Berdila ilə də  müqavilə imzalayıb. 177 sm boya malik 30 yaşlı oyunçu 2023/2024 mövsümündə “Azərreyl"in uğurları üçün çalışacaq. Berdila karyerasında ilk dəfə ölkə xaricində oynayacaq.

O, bunadək ölkəsinin “Qalati”, “Pensilina İaşi”, “Alba-Blaj” və “Ştiinta” komandalarında forma geyinib. Yeni transferimiz 3 dəfə Rumıniya çempionu olub, 1 dəfə ölkə kubokunu qazanıb.

Qeyd edək ki, "Azərreyl" daha öncə Aynur İmanova, Raziyə Əliyeva, Asiyat Abuyeva, Xanım Cəlilova, Aişə Alismanova, həmçinin xorvatiyalı Katarina Pilepiçlə də müqavilə bağlayıb.

Əlavə edək ki, "Azərreyl" Çağırış Kubokunda Ukraynanın "Balta" kollektivi ilə üz-üzə gələcək. 1/32 final çərçivəsinin oyunları oktyabrda keçiriləcək.

Daha çox


Son xəbərlər
03.03.24  20:18

Avro-2024-ü buraxacaq