Braziliya millisinin heyətindən kənarlaşdırıldı

Braziliya millisinin heyətindən kənarlaşdırıldı
XƏBƏR 5 Sentyabr 2023 / 13:50 3307
-  A +

Braziliya millisinin və "Mançester Yunayted"in üzvü Antoni yığmanın DÇ-2026-nın seçmə mərhələsi çərçivəsində Boliviya və Peru ilə oyunlar üçün heyətindən çıxarılıb.

Qol.az xəbər verir ki, bu haqda Braziliya Futbol Federasiyası məlumat yayıb. Belə bir addımın atılmasına səbəb 23 yaşlı hücumçunun keçmiş sevgilisi Qabriela Kavallinə şiddət göstərdiyinin iddia olunmasıdır. 

Onun yanvar ayının 15-də Mançesterdəki bir otel otağında Qabrielaya hücum etdiyi iddia olunur. Mançester və San Paolo polisi məsələ ilə bağlı araşdırmanı davam etdirir. 

Braziliya Futbol Federasiyasının yaydığı açıqlamada hadisənin ictimaiyyətdə rezonans doğurması və araşdırmanın zəruriliyi səbəbindən bu qərarın verildiyi qeyd olunub.

Antoni isə sosial media hesablarında bildirib: "Haqqımakı bütün ittihamların yalan olduğunu rahatlıqla deyə bilərəm. Ortaya çıxan sübutlar günahsız olduğumu göstərəcək".

Forvardın yerinə yığmaya Qabriel Xesus dəvət edilib.

Daha çox


Son xəbərlər
topaz banner