Ronaldo "Mançester Yunayted"dən ayrılmasından danışdı

Ronaldo "Mançester Yunayted"dən ayrılmasından danışdı
DÜNYA FUTBOLU 23 Mart 2023 / 11:22 2363
-  A +

Portuqaliya millisinin və "Əl-Nəsr"in hücumçusu Kriştiano Ronaldo "Mançester Yunayted"dən ayrılması ilə bağlı danışıb.

Qol.az xəbər  verir ki, 2022-ci ilin noyabrında o, jurnalist Piers Morqanla qalmaqallı müsahibəsindən sonra “qırmızı şeytanlar”la müqaviləsini qarşılıqlı razılaşma əsasında ləğv etmişdi. Dekabrın sonunda 38 yaşlı futbolçu Səudiyyə Ərəbistanının "Əl-Nəsr" klubu ilə müqavilə imzalayıb. 

Ronaldo "Mançester Yunayted"dən ayrılması ilə bağlı deyib: “Bəzən kimin sənin tərəfində olduğunu görmək üçün bəzi şeylərdən keçməlisən. Peşman olmağa vaxtım yoxdur. Həyat davam edir. Yaxşı və ya pis, karyeramın bir hissəsi oldu. Bir dağın zirvəsində dayananda, çox vaxt aşağıda nə olduğunu fərq etmirsən. İndi daha hazıram və həqiqətən nəyin vacib olduğunu bilirəm. Son bir neçə ayda yaşadıqlarımı heç vaxt yaşamadım. İndi daha yaxşı oldum”.

Qeyd edək ki, 38 yaşlı hücumçu “Əl-Nəsr”in heyətində 8 oyuna çıxıb, 9 qol vurub və 2 qolun ötürməsini verib.

Yeniliklərdən daha tez xəbər tutmaq üçün bizi Feysbukda da izləyin


Son xəbərlər