"Arteta günün 24 saatını futbol haqqında düşünür"

"Arteta günün 24 saatını futbol haqqında düşünür"
DÜNYA FUTBOLU 25 Yanvar 2023 / 15:19 1373
-  A +

"Arsenal"ın yarımmüdafiəçisi Qranit Caka "topçular"ın baş məşqçisi Mikel Arteta haqda fikirlərini bölüşüb.

Qol.az xəbər verir ki, isveçrəli futbolçu Britaniya mətbuatına açıqlamasında indiyə qədər Arteta kimi yaxşı məşqçi ilə çalışmadığını deyib:

“Ötən mövsüm ilk üç matçda məğlub olduq. Sonra bəzilərinin səbri tükəndi. Amma indi görürsən ki, məşqçiyə vaxt versən, nə baş verə bilər. Nəhayət, Arteta ilk dəfə baş məşqçi oldu. Arteta xüsusidir. Karyeramda çoxlu məşqçi olub, amma Arteta kimisi olmayıb. Deyəsən günün 24 saatını ancaq futbol haqqında düşünür. Onun hər zaman A planı, B planı və bəlkə də Z planı var. Amma o, təkcə taktikaçı kimi deyil, həm də insan kimi ən yaxşısıdır”.

Qeyd edək ki, "Arsenal" İngiltərə Premyer Liqasında 19 matçda 50 xal toplayıb və turnir cədvəlinə başçılıq edir.

Daha çox


Son xəbərlər
08.02.23  22:13

"Traktor"dan qələbə