Hacı Əliyev yarımfinalda uduzdu - Yenilənib

Hacı Əliyev yarımfinalda uduzdu - Yenilənib
GÜLƏŞ 17 Sentyabr 2022 / 19:27 7690
-  A +

Serbiyanın paytaxtı Belqradda keçirilən güləş üzrə dünya çempionatı davam edir.

Qol.az xəbər verir ki, Azərbaycanın daha 3 sərbəst güləşçisi bu gün yarışda mübarizəyə başlayıb. 61 kq-dakı İslam Bazarqanovun 1/8 finalda uduzduğu Reza Ahmadali Atreqanarçi (İran) finala yüksəldiyindən Azərbaycan təmsilçisi təsəlliverici görüşdə iştirak hüququ əldə edib.

3 qat dünya və 3 qat Avropa çempionumuz Hacı Əliyev (65 kq)  1/8 finalda Aqustin Destribatsa (Argentina), 1/4 finalda isə Abbos Rahmonova (Özbəkistan) qalib gələrək yarımfinala yüksəlib.  O, yarımfinalda 2020-ci ildəki dünya çempionatının bürünc mükafatçısı Rəhman Amuzadxəliliyə (İran) uduzub - 2:9. O, sabah bürünc medal uğrunda mübarizə aparacaq.

97 kq-dakı Maqomedxan Maqomedov Erik Tilyeni (Almaniya) məğlub edərək 1/4 finala vəsiqə qazanıb. Ancaq o, növbəti mərhələdə Kayl Snayderə (ABŞ) uduzub - 0:10.

Qeyd edək ki, daha əvvəl yunan-Roma güləşçilərindən Eldəniz Əzizli (55 kq) qızıl, Ülvi Qənizadə (72 kq) gümüş, Taleh Məmmədov (63 kq), Həsrət Cəfərov (67 kq) və Arif Niftullayev (97 kq) bürünc medal qazanıb. Yığma yekunda 118 xalla komanda hesabında 2-ci yeri tutub.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı