DÇ-2022-nin 20-ci iştirakçısı da müəyyənləşdi - Siyahı

DÇ-2022-nin 20-ci iştirakçısı da müəyyənləşdi - Siyahı
DÇ-2022 28 Mart 2022 / 09:13 6964
-  A +

DÇ-2022-nin final mərhələsinin daha bir iştirakçısı müəyyənləşib.

Qol.az xəbər verir ki, Torontoda Kanada Yamaykanı qəbul edib. 4:0 hesabı ilə qalib gələn kanadalılar mundiala vəsiqəni təmin edən 20-ci iştirakçı olub  (32 komanda arasında). Onlar vəsiqəni Şimali və Mərkəzi Amerika zonası üzrə hazırkı qrup lideri kimi qazanıblar.

Xatırladaq ki, daha öncə adları aşağıda qeyd edilən milli komandalar da DÇ-2022-yə vəsiqə qazanmışdılar: 
Qətər (təşkilatçı ölkə kimi), Xorvatiya, Almaniya, Danimarka, Braziliya, Argentina, Belçika, Fransa, İspaniya, Serbiya, İngiltərə, İsveçrə, Niderland, İran, Cənubi Koreya, Yaponiya, Səudiyyə Ərəbistanı, Uruqvay, Ekvador.

DÇ-2022 21 noyabr -1 dekabr tarixlərində keçiriləcək.

Qeyd edək ki, Kanada son 36 ildə ilk dəfə DÇ-nin final mərhələsində oynamaq hüququ əldə edib. Son dəfə onlar DÇ-1986-da çıxış etmişdilər.

Daha çox


Son xəbərlər