Şevçenko 20 milyon avro təzminat tələb edir

Şevçenko 20 milyon avro təzminat tələb edir
DÜNYA FUTBOLU 27 Yanvar 2022 / 11:58 2611
-  A +

“Cenoa” (İtaliya) istefaya göndərdiyi baş məşqçisi Andrey Şevçenko ilə müqaviləni qarşılıqlı olaraq ləğv etmək üçün danışıqları davam etdirir.

Qol.az Polşa mətbuatına istinadən xəbər verir ki, bu proses heç də asan keçmir. Ukraynalı mütəxəssis ona çatacaq olan təzminatı tam olaraq almaq istəyir. Klub isə onun şərtini yerinə yetirməkdən boyun qaçırır.

Qeyd edək ki, müqavilə vaxtından əvvəl və birtərəfli qaydada klub tərəfindən ləğv olunduğu üçün Şevçenko 20 milyon avro təzminat tələb edir. Bildirilir ki, əgər o, ilkin mərhələdə tələb etdiyi təzminatın yarısını ala bilsə, bu halda daha az maaşla Polşa millisinə rəhbərliyi qəbul edəcək.
Qeyd edək ki, Polşa Futbol İttifaqı Şevşenkoya illik 2.5 milyon avqoluq müqavilə təklif edib.

Xatırladaq ki, 2021-ci ilin noyabrında “Cenoa”nın baş məşqçisi təyin olunan Andrey Şevçenko uğursuz nəticələrə görə cəmi iki ay sonra istefaya göndərilib.

Daha çox


Son xəbərlər