21:56
Əfsanəvi futbolçu və hazırda “Ximnasiya"nı (Argentina) çalışdıran Dieqo Maradona xəstəxanaya yerləşdirilib.
Qol.az xəbər verir ki, bu barədə “TNT Sports” məlumat yayıb. Onun səhhətində ciddi problem olmadığı, ancaq bir həftədir özünü yaxşı hiss etmədiyi bildirilib.
Maradonanın həkimi Leopoldo Luke açıqlamasında 60 yaşlı mütəxəssisin həyati təhlükəsinin olmadığını təsdiqləyib:
“Maradona xəstəxanaya yerləşdirilib. Çünki özü buraya gəlməyi istəyib. Onun həyati təhlükəsi yoxdur. Yəni, biz buraya təcili nəsə olduğu üçün gəlməmişik. Maradona tezliklə çox yaxşı olacaq. Su balansını bərpa etmək üçün xəstəxanaya yerləşdirilib. Bir neçə müayinə keçiriləcək. Onu yaxından izləmək istəyirik. O isə bazar günü- 8 noyabrda keçiriləcək “Veles Sarsfield”lə matçda komandasının yanında olmaq niyyətindədir. Xəstəxanaya çatmazdan əvvəl dedi ki, “Bax, bazar günü işləməliyəm”. Mən də onu işləyəcəyinə əmin etdim. Hələlik Maradonanın burada qalmağa davam etməsi yaxşı olar. Əgər o, özünü yaxşı hiss etsə və xəstəxananı tərk etmək istəsə, istənilən vaxt gedə bilər. Heç bir yerə köçürülməyəcək”.
Qeyd edək ki, Maradonanın koronavirus testi mənfi çıxıb.
Luçeskunun ürəyi tutuldu
Ronaldo hazırdır
“Real”ın hədəfində 7 futbolçu var
Levandovski də yığmasından gedir?
"Barselona" maliyyə problemlərini geridə qoyur
MOİK - “Cəbrayıl” matçında vurulan qollar - Video
Haaland, Salah, Kazemiro...
"İnter"in futbolçusu sıradan çıxdı
Mbappenin bu hərəkəti kəskin tənqid olundu - Video
Çempionlar Liqası qalibi olan qapıçı karyerasını başa vurur
Buffon da istefa verdi
“Zaqatala”, MOİK və “Səbail” tura qələbə ilə başladı
Flik onu əsas transfer hədəfi seçdi
