23.12.25
Hazırda Gürcüstanda «Simurq»la birgə təlim-məşq toplanışında olan komandanın prezidenti Zaur Məmmədov Qol.Az saytına müsahibə verib
- «Simurq»un Gürcüstanda keçdiyi təlim-məşq toplanışı sizi razı salırmı?
- Dünən komandamız Gürcüstan çempionatının iddialı klublarından hesab edilən «Sioni» klubu ilə yoldaşlıq matçı keçirdi. Oyundan sonra komandanın baş məşqçisi və futbolçularla görüşdüm. Ümumi götürdükdə klubumuzun təlim-məşqi qənaətbəxşdir. Başqa sözlə, hazırlıqdan razıyam.
- Baş məşqçi Roman Pokora ilə söhbətinizin mahiyyətində nə dayanırdı?
- İlk olaraq Pokora klubdakı son durum barədə məni məlumatlandırdı. Daha sonra isə hazırlıqdan danışdı. Roman Pokoranın dediklərindən başqa, «Sioni» ilə yoldaşlıq oyununu mən özüm də izlədim. Futbolçularımız çox əzimkar mübarizə aparırdılar. Fiziki hazırlıq, sürət əla səviyyədə idi.
- Komandanızın yaxşı oynadığını deyirsiniz. Amma nəticə heç də bunu göstərmir.
- Düzdür, oyun qolsuz bərabərliklə başa çatdı. Qol vurulmayıbsa, o demək deyil ki, oyun pis olub. O cür stadionda qol vurmaq olar? Vəziyyət o qədər pis idi ki, qorxurdum birdən futbolçularımızdan hansısa biri zədələnər.
- Belə çıxır ki, stadionun qazonu pis olduğu üçün komandanız qol vura bilməyib?
- Əlbəttə.
- Gürcüstanda başqa stadoin yox idi?
- Stadion var. Amma biz bilərəkdən belə stadionu seçmişdik. Bilirsiniz, Premyer Liqanın ikinci dövrəsinin ilk turunda səfərdə «Turan»”la görüşəcəyik. Tovuz stadionu da bərbad vəziyyətdədir. Elə «Sioni» ilə yoldaşlıq oyunu keçirdiyimiz stadion kimidir. Məhz bu səbəbdən belə bir meydançanı seçdik.
- Baş məşqçi Roman Pokora ilə görüşünüzdə çalışdırıcı «Simurq»un ikinci dövrəyə neçə faiz hazır olduğunu söylədi?
- Bu sualı məndə Roman Pokoraya ünvanladım. O, cavabında hələ hazırlığ sona çatmadığı üçün qərar verməyə çətinlik çəkdiyini dedi. Bunun üçün məndən vaxt istədi.
- Deyirsiniz ki, komandanın hazırlığı sizi razı salıb. Bu gedişlə Premyer Liqada hansı nəticəni əldə edə bilərsiniz?
- İnşallah, biz məqsədimizə çatacağıq. İstəyimiz Azərbaycanı avrokuboklarda təmsil etməkdir. Allahın köməkliyi ilə arzularımıza çatacağıq. Yəni «Simurq» mükafatçılar sırasına düşəcək. Bunun üçün əlimizdən gələni edəcəyik.
- Bizimlə söhbətinizdə Kay adlı Braziliyalı futbolçunu baxışdan keçirdiyinizi demişdiniz. Bununla bağlı nə deyə bilərsiniz?
- Kay zədəli olduğu üçün bizə lazım olmadı. Onu şəxsən özüm Gürcüstanda xəstəxanalardan birinə apardım. Həkimlər onun zədəsinin ciddi olduğunu vurğuladılar. Öz həkimlərimiz isə onunla anlaşmağı məsləhət bilmədilər. Bu səbəbdən də onu geri qaytardıq.
Keyn, Haaland, Mbappe...
"Tottenhem"in kapitanı cəzalı vəziyyətə düşdü
"Fənərbaxça" klubunun prezidenti saxlanıldı
Zidan oğlunu Mərakeşdə tribunadan izlədi
"Ronaldo Portuqaliya yığmasının əvəzolunmaz oyunçusudur"
“Çelsi”nin iki futbolçusu zədəsini sağaltdı
"Marsel"in hücumçusu İtaliya klubuna doğru yol aldı
"Atletiko"dan digər ispan klubuna keçdi
"Mançester Yunayted"də itkilər var
“Fənərbaxça” heyətini ilk onunla gücləndirəcək
“Neftçi” daha bir legioner ala bilər
"Karvan-Yevlax"ın qış hazırlıq planı bəlli oldu
Bu şəhərdə bütün futbol matçları təxirə salındı
İspan klubu “Qarabağ”ın şikayəti əsasında cərimələndi
UEFA “Napoli”ni “Qarabağ”la oyuna görə cərimələdi
"Şimal" və "Bakı Sportinq"dən qələbə, Mingəçevirdə heç-heçə
"Real" Vinisiusla bağlı qərar verdi
Balotelli ərəb klubuna keçə bilər
Ronaldo adada 2 villa aldı
Ayın ən yaxşı qolunun müəllifi mükafatlandırıldı
