18:56
"Zirə"nin baş məşqçisi Samir Abasov Azərbaycan Premyer Liqasının 26-cı turunda "Qarabağ"a evdə 0:3 hesabı ilə uduzduqları oyundan sonra mətbuat konfransı keçirib. Qol.az-ın məlumatına görə, gənc mütəxəssis əvvəlcə görüş haqda danışıb.
- Onsuz da "Qarabağ"a qarşı əsas heyətlə oynayanda da əziyyət çəkirsən. Bu gün 8 əsas futbolçumuz yox idi. Deməzdim ki, ikinci heyət idi, sadəcə, az oynayanlara şans vermişdik. Fikrimizi son şansımız olan kuboka - "Sumqayıt"la yarımfinal matçına yönəltmişik.
- Əsas qapıçınız Kamal Bayramovun zədəsi nə yerdədir?
- Kubok oyununadək bərpa olunmalıdır. Ancaq o vaxtdan komanda ilə məşq etməyib. Ümid edirik ki, oynayacaq. Həkimlərdən xoş xəbər gözləyirik.
- Bu gün "Qarabağ" futbol oynadı. Bəs "Zirə" meydanda nə etdi?
- Futbolçulara matçdan əvvəl dedik ki, itirəcəyimiz bir şey yoxdur, çıxaq, futbol oynayaq. Oynayan da oldu, oynamayan da. Panikaya düşənlər də vardı, bunu da başa düşürəm. Ümid edirik ki, daha belə olmayacaq.
- Bu oyunu kuboka qurban verdiniz?
- Bəli. "Qəbələ" ilə matçda da belə olmuşdu.
- Qorxmurdunuz ki, deyərlər "Qarabağ"a köməklik etdiniz?
- Yox. "Qarabağ"dan da xal almışıq, "Neftçi"dən də. Heç kimdən alacağımız, verəcəyimiz yoxdur. Qorxuyla yaşasaq, bütün planlarımızı alt-üst edərik.
- Bu gün ilk qolda kobud səhvə yol verən gənc qapıçınıza nə dediniz?
- Heç nə deməmişəm, bunu etmək fikrim də yoxdur. Ola bilər ki, kubokda da Abdulla Seyidəhmədova güvəndik. Çünki Bayramovun zədə problemi var. "Qarabağ"ın adı da ola bilər ki, sözünü deyir.
- Onda bir gərginlik hiss olunur...
- Həmin qoldan sonra toparlanmamağı təcrübəsizliyi ilə bağlıdır. Bugünkü matçda səhvini bağışlamaq olar.
- Siz oynadığınız vaxtda Abdullah Zubir çıxış etsəydi, ona qarşı necə mübarizə aparırdınız?
- Zubirə qarşı elə oynayardım ki, bir də mənə yaxınlaşmazdı.
"Qarabağ" başlayır
"Torpedo" bizdən daha hazırlıqlı idi" - Rəşad Sadıqov
"Sürpriz hazırlamışdıq, amma "Zirə" çox güclü rəqib çıxdı"
“Zirə”dən ilk oyunda böyükhesablı qələbə
“Qarabağ”ın “Vestri” hazırlığından - Şəkillər
İsveçrə millisinin qapıçısı rəqiblərini üstələdi
FİFA Fransanın şikayətini rədd etdi
Qurban Qurbanovdan Elvinlə bağlı açıqlama
"Real" Vinisius üçün son tarix müəyyənləşdirib
“Zirə” - “Torpedo”: Heyətlər
Poqba "Monako"dan gedə bilər
Raşford "Mançester Yunayted"ə qayıdır
"Kəpəz" Ehtiram Şahverdiyevlə yolları ayırdı
"Beşiktaş"dan yeni transfer - Rəsmi
Dünya Çempionatı 2026
Xəbərlər
Təqvim
Cədvəl