21:24
"Biz "Səbail"dən daha yaxşı oynadıq və qələbə qazanmağa layiq idik. Ancaq son saniyələrdə şans onların yanında oldu. Cərimə zərbəsindən qol vurub, qalib gəldilər".
Bu sözləri Qol.az-a açıqlamasında "Zirə"nin müdafiəçisi Adrian Skarlatake deyib. Rumıniyalı futbolçu Topaz Premyer Liqanın 22-ci turunda evdə "Səbail"ə 1:2 hesabı ilə uduzduqları oyun haqda fikirlərini bölüşüb:
"Düzdür, "Səbail" 3-cü pillədədir, yaxşı oyunçuları, baş məşqçisi var. Onlara qarşı mübarizə aparmaq bizim üçün asan olmadı. Amma düşünürəm ki, biz daha inamlı təsir bağışladıq. Futbolda hərdən belə də olur ki, yaxşı oynadığın oyunda uduzursan".
32 yaşlı müdafiəçi məğlubiyyətə görə məyus olduqlarını söyləyib: "Bu oyuna qədər yaxşı seriya yaxalamışdıq. Ardıcıl 7 matçda uduzmamış və qapımızdan yalnız bir qol buraxmışdıq. Buna qədər etibarlı müdafiə olunurduq. Ona görə də məğlubiyyət hamımızı məyus etdi. Deyərdim ki, bəxtimiz gətirmədi. Oyun 1:1 hesabı ilə başa çatsaydı, daha ədalətli nəticə olardı".
Skarlatake növbəti turda "Neftçi" ilə keçirəcəkləri səfər matçına da toxunub: "Bizim üçün çətin olacaq, amma meydana 3 xal üçün çıxacağıq. 1 xal bizi elə də çox qane etməyəcək. İndi komandamız daha yaxşı oynayır. "Neftçi"ni məğlub edəcəyimizə əminəm. Rəqibə hörmətlə yanaşırıq. Yaxşı komandadır, yaxşı baş məşqçiləri var. Amma biz bu oyunu udmaq istəyirik".
Qeyd edək ki, aprelin 6-da keçiriləcək "Neftçi" - "Zirə" oyunu saat 18:00-da başlayacaq.
“Real”da ciddi itki
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
"Şamaxı" - "Araz-Naxçıvan" matçından - Video
Osimhen milliyə çağrılmadı
16 yaşlı qapıçının debütü təxirə salındı
1-ci liqada bu gün yalnız “Şəfa” qələbəyə sevindi
