21:24
“Mənim şəxsi məşqçim var - Andrea Milutinoviç. Onunla 10 ildir çalışıram. O, Luka Modriç, Məhəmməd Salah, Dario Srna kim top-futbolçularla da işləyir”.
Qol.az xəbər verir ki, bu sözləri "Sabah"ın futbolçusu Marko Deviç Ukraynanın tanınmış futbol şərhçisi Viktor Vatskonun "Youtube"dakı "Вацко Live" kanalına müsahibəsində deyib.
Azərbaycanda futbol matçlarına az sayda azarkeşin gəldiyini vurğulayan 36 yaşlı forvard Bakıdakı yaşayış şəraitindən razı qaldığını bildirib: “Deyirlər əvvəllər səviyyə yüksək olub, çox adam gəlib. Burada dil baxımından problem yoxdur. Rus və ingilis dilində təmas qururam. Həmçinin serb dilini bilirəm. Ukrayna və alman dilində də başa düşürəm. Buradakı insanlar Lixtenşteyndəkilərdən çox yaxşıdır. Avropada bir çox yerlərdə oynamışam. Rusiya, Serbiya, Ukrayna... Hər şey gözəldir, amma insanlar soyuqdurlar. Burada isə hər şey əksinədir. İnsanlar daha istiqanlıdır, ab-hava real həyata çox yaxındır. Burada hər şey gözəldir”.
Deviç "Sabah"ın prezidenti Maqsud Adıgözəlovun ona və ailəsinə böyük diqqət ayırdığını bildirib: “Klub prezidenti övladıma uşaq bağçası seçərkən də köməklik etdi. O, bağça xərclərini üzərinə götürmək istəyirdi. Dedim ki, çox sağ olun, lazım deyil. Bəli, pul önəmlidir. Ancaq bu cür insani məqamlar... Məni burada saxlayan, motivasiya verən odur. Biri sənə insan kimi yanaşırsa, ona geri qaytarmaq istəyirsən. Yoldaşım üçün 2 uşaq var. Mən də uşağam (gülür). Sara ilə hər şey daha asandır, nəinki mənimlə”.
“Real”da ciddi itki
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
"Şamaxı" - "Araz-Naxçıvan" matçından - Video
Osimhen milliyə çağrılmadı
16 yaşlı qapıçının debütü təxirə salındı
