"İtaliyada işləmək istərdim" - Roberto Bordin
"Bir neçə ildir məşqçilik edirəm və əsasən ölkə xaricində çalışıram. Moldovada 2 çempionluq və bir kubok titulum var. "Şerif"lə Avropa Liqasının qrup mərhələsində iştirak etmişik".
Qol.az-ın məlumatına görə, bu sözləri "Neftçi"nin baş məşqçisi Roberto Bordin İtaliya mətbuatına açıqlamasında deyib. Bakı klubundakı vəziyyətindən danışan italiyalı mütəxəssis yenidən gələcəkdə ölkəsində işləmək istədiyini gizlətməyib:
"Hazırda "Neftçi"ni çalışdırıram. Əlbəttə, nə vaxtsa İtaliyada işləmək istərdim. Amma indiki məqamda özümü Azərbaycanda xoşbəxt sayıram və burada təcrübəmi artırmaqdan məmnunam".
Qeyd edək ki, Bordin bu mövsümün əvvəlindən "Neftçi"ni çalışdırır.