15:50
"Səbail"in bazasında olarkən Esyenlə söhbətimiz oldu, karyerasını bitirmədiyini bildirdi. Biz də ona təklif etdik ki, oynamaq istəsən, səni komandamızda görmək istəyərik".
Bu sözləri Qol.az-a açıqlamasında "Səbail"in baş məşqçisi Aftandil Hacıyev deyib. Klubun rəsmi saytı bir neçə dəqiqə öncə dünya futbolunun tanınmış simalarından Maykl Esyenlə danışıqlara başlandığını açıqlayıb. Məsələ ilə bağlı danışan A. Hacıyev Qana millisinin sabiq üzvünün həftə sonu müqavilə imzalamaq üçün Bakıya gələcəyini bildirib:
"Fikrimiz ciddidir, onun ümumi durumu ilə də maraqlandıq. Karyerasını bitirdiyini elan etməyib, məşqlərinə də davam edir. Müqavilə şərtlərini danışmaq üçün Esyeni Bakıya dəvət etmişik. Həftəsonu paytaxtımızda olacaq. Şərtlər hər iki tərəfi razı salsa, onu heyətimizə qatacağıq. Sözləşmənin müddəti bu mövsümün sonu və növbəti mövsümü əhatə edəcək. Bakıya gələndən sonra bir daha bu haqda danışacağıq".
Gənc mütəxəssis vaxtı ilə "Lion", "Çelsi", "Real", "Milan" kimi Avropa nəhənglərinin formasını geyinmiş Esyenin "Səbail"ə pula görə gəlmədiyini söyləyib: "Esyen "Səbail"ə maliyyə məsələlərinə görə gəlmir. Onun kifayət qədər imkanı var. Karyerası zəngin olan futbolçudur. Sadəcə, futbola, peşəsinə vurğun olduğu üçün oynamaq istəyir. Ölkəmizdə çıxış etmək ona maraqlı gəlib. Bu cür futbolçunun təcrübəsindən faydalanmaq yaxşı olar. Gələcəkdə durumuna baxıb, nə qədər oynaya biləcəyinə qərar verəcəyik".
A. Hacıyev Esyenin transferinin həm də reklam xarakteri daşıdığını gizlətməyib: "Bəlkə də indiyə qədər Azərbaycana belə titullu futbolçu gəlməyib. Həm gənc oyunçular, həm də bu cür dünya ulduzları ilə bağlı ilk addımı "Səbail" atır. Bəlkə də Esyen vasitəsilə digər tanınmış futbolçular da ölkəmizə təşrif buyurar. Bu da öz növbəsində çempionatımızın reytinqinin qalxmasına kömək edər. Bu gün belə futbolçular Çin, ABŞ kimi futbolu zəif olan ölkələrə gedirlər. Bu cür addımı Azərbaycanda ilk olaraq bizim atmağımız, əlbəttə ki, sevindirir. Düşünürəm ki, bundan sonra digər titullu futbolçularda da ölkəmizə gəlmək üçün maraq oyana bilər".
PSJ-dən Dembele qərarı
"Emin Mahmudov "Neftçi"nin məşqçisi ola bilər"
Liderin qalibiyyətindən - Video
Vernidub qələbələrin sirrini açıqladı
"Qarabağ"la oyunu potensial 3 xal fürsəti kimi görürəm"
Toral Bayramov öz qapısına elə bir qol vurdu ki… - Video
"Turan Tovuz" "Qarabağ"ı belə məğlub etdi - Video
"Vəziyyəti düzəltməyə çalışacağıq" - Qurban Qurbanov
Kurban Berdıyev "Qarabağ" üzərində qələbəni şərh etdi
“Qarabağ” azarkeşləri: “Bu azarkeşin haqqını verin!” - Video
Portuqaliya millisinin kapitanı kim olacaq?
İspaniyanın Millətlər Liqası üçün heyəti
"Neftçi" - "Kəpəz": Heyətlər
Yenə dünya çempionu oldular
Tuhel: “Millətlər Liqasında birinci olmalıyıq”
"Qarabağ" - "Turan Tovuz": Heyətlər açıqlandı
İngiltərənin Xorvatiya və İspaniya ilə oyunlar üçün heyəti
"Ayın qolu"nun müəllifi mükafatlandırıldı
"Turan Tovuz"un legioneri milliyə dəvət aldı
Futbol meydanlarından Zəfər meydanlarına
Azərbaycan – Latviya oyununun hakimləri açıqlandı
Oyuna çıxmayan "Mingəçevir"ə texniki məğlubiyyət verildi
Emin Mahmudov millidəki karyerasını bitirir - Rəsmi
