"Komandaya fərqli yanaşma lazımdır" - Elşad Əhmədov

"Komandaya fərqli yanaşma lazımdır" - Elşad Əhmədov
ÖLKƏ FUTBOLU 9 Mart 2019 / 18:23 2111
-  A +

"Oyuna pis başlamadıq. Yenə də hücumda problemlər yaşayırıq. 15-20 dəqiqə normal futbol oynadıq. Qapımıza ilk hücumda qol buraxdıq, uşaqlar həvəsdən düşdülər. Fasilədə onlarla danışdıq, ikinci yarıya həvəsli başladıq. Amma yenə ilk hücumda qol buraxdıq".

Qol.az-ın məlumatına görə, bu sözləri "Sabah"ın baş məşqçisi Elşad Əhmədov deyib. Topaz Premyer Liqanın 20-ci turunda "Keşlə" 0:3 hesabı ilə uduzduqları oyundan sonra keçirilən mətbuat konfransında fikirlərini açıqlayan mütəxəssis daha sonra jurnalistlərin suallarını cavablandırıb.

- Meydanın durumu oyununuza nə dərəcədə təsir etdi?

- Hiss olunurdu ki, ötürmələrdə uşaqlar əziyyət çəkirlər. Buna baxmayaraq, oynamalı idik.

- Futbolçuların fiziki gücü sanki tükənmişdi...

- Fiziki deyil, psixoloji cəhətdən bunu deyə bilərəm.

- Stamenkoviçin çıxışını qiymətləndirərdiniz. Sanki hər iki qol onun səhvinin nəticəsi idi...

- Saşa bizim köməyimizə çox çatıb. O, bizim üçün lazımlı futbolçudur. Müdafiədə səhvlərimiz çox olur. Bunları araşdıracağıq.

- Ardıcıl məğlubiyyətlərdən sonra düşünmürsüz ki, komandaya fərqli yanaşma lazımdır?

- Bəli, lazımdır. Uşaqlarda psixoloji durumu düzəltməyə çalışacağıq.

- "Qarabağ"dan xal alandan sonra sanki arxayınlıq yaranıb...

- "Neftçi" ilə görüşdə bu ola bilərdi. Amma bu gün belə deyildi.

- Təmkin Xəlilzadənin zəif çıxışının səbəbi nə idi?

- Təmkin iki gün idi komanda ilə məşq edirdi. Tam hazır deyildi, bu da meydanda hiss olunurdu.

Daha çox


Son xəbərlər
19.03.26  16:00

“Real”da ciddi itki

topaz banner