İcraiyyə Komitəsinin qərarları açıqlandı

İcraiyyə Komitəsinin qərarları açıqlandı
ÖLKƏ FUTBOLU 4 Mart 2019 / 12:48 1723
-  A +

Bu gün AFFA İcraiyyə Komitəsinin növbəti iclası keçirilib.

Qol.az xəbər verir ki, iclasdan sonra AFFA-nın baş katibi Elxan Məmmədov qəbul olunan qərarlarla bağlı  jurnalistlərə məlumat verib:

"Müzakirə məsələlərindən biri azarkeşlərin böyük maraq göstərdikləri bölgələrdən biri ilə bağlı idi. Qərar qəbul olundu ki, Tovuzda futbol akademiyası yaradılsın. Bununla bağlı müvafiq tapşırıq verildi. Artıq bu məsələni Tovuz rayon icra hakimiyyəti ilə müzakirə etmişik. Noyabradək layihə hazır olacaq. FIFA və UEFA-nın da maliyyə dəstəyi ilə bu işin icrasına yaxın zamanlarda başlayacağıq".

E.Məmmədov növbəti mövsümdən əvəzedici komandaların AFFA-dan ildə 50 min manat maliyyə vəsaiti alacağını bildirib: "Birinci diviziondan imtina edənlər isə 100 min manat cərimə ödəyəcəklər. Bundan başqa AFFA Lisenziyalaşdırma Komitəsinin tərkibində dəyişiklik edilib. Adlar və soyadlar AFFA-nın rəsmi saytında yazılacaq. Oyunçuların Statusu və Transferi Komitəsinin tərkibinə yeni üzvlər daxil ediləcək".

E.Məmmədov iclasda qadınlardan ibarət yığmalara baş məşqçi təyinatlarının təsdiqləndiyini də qeyd edib: "VAR sistemi ilə bağlı səmərəli müzakirələr aparıldı. İcraiyyə Komitəsi bununla bağlı araşdırma aparılması və hazırlıq üçün işlərə başlanılması tapşırığın verdi. Araşdırma və təhlillər bu mövsümün sonunadək aparılacaq". 

 

Daha çox


Son xəbərlər
19.03.26  16:00

“Real”da ciddi itki

topaz banner