15:50
Qış fasiləsindən "Keşlə"dən ayrılan Bahodir Nasimov Özbəkistan mətbuatına müsahibə verib. Qol.az-ın məlumatına görə, bu yaxınlarda ölkəsinin "Navbaxor" klubuna keçən futbolçu "Keşlə" rəhbərliyi haqda qalmaqallı fikirlər səsləndirib.
- Sizin Azərbaycan klubu ilə 1 illik müqaviləniz var idi. Necə oldu ki, oradan ayrılıb, "Navbaxor"a keçdiniz?
- Səbəb odur ki, "Keşlə"də olarkən məni meydana buraxmırdılar, daim ehtiyatda qalırdım. Son oyunlarda isə ümumiyyətlə heyətə düşmürdüm. Baş məşqçi (Tərlan Əhmədovu nəzərdə tutur - E.S) məni "qaralamışdı". Klub rəhbərliyi ilə görüşüb, komandadan ayrılmaq istədiyimi bildirdim.
- Oynamamağınıza səbəb nə idi? Baş məşqçi ilə aranızda konflitk var idi, yoxsa başqa məsələyə görə sizə şans vermirdi?
- Son 6 ayda komandada 3 məşqçi dəyişdi. Klubun ən böyük problemi odur ki, rəhbərlik həmişə baş məşqçinin işinə qarışır. Hətta iş o yerə çatmışdı ki, meydana çıxan oyunçuları da klub prezidenti müəyyənləşdirir, kimin oynayıb-oynamayacağı ilə bağlı baş məşqçiyə göstəriş verirdi. Məni oyunun sonuna 5-10 dəqiqə qalmış meydana buraxır, maksimum 1 hissə oynamağa icazə verirdilər. Sonda dözmədim və müqaviləyə xitam verilməsini xahiş etdim.
- Klubun sizə borcu qaldı?
- Yox, bura gələndə tam olaraq mənimlə hesablaşdı və bütün sənədləri aldı.
- Deməli, Azərbaycana növbəti səfəriniz uğursuz alındı, istədiyiniz kimi olmadı...
- Hə, həqiqətən uğursuz alındı. Açığı, mən də komandaya uyğunlaşa bilmədim. "Keşlə" düşündüyüm qədər güclü deyildi. Amma baş məşqçi 4-5 oyunda mənə şans versəydi, düşünürəm ki, özümü ən yaxşı tərəfdən göstərə bilərdim. Matçın sonuna 10 dəqiqə qalmış qol tələb etmək tamamilə absurddur. Digər tərəfdən, hər bir futbolçu uğursuluğun günahını özündə axtarmalıdır.
- Karyeranızı Azərbaycanın digər klublarında davam etdirmək variantı olmadı?
- Xeyr, heç bir klubdan təklif gəlmədi.
- Bəs "Navbaxor"a keçidiniz necə gerçəkləşdi?
- Bura baş məşqçinin dəvəti ilə gəldim. Hələ Azərbaycanda olarkən, Andrey Antanasoviç zəng vurub, komandaya kömək etməyə hazır olub-olmadığımı soruşdu. Mən isə düşündüm ki, ehtiyatda oturmaqdansa, "Navbaxor"a kömək etmək daha yaxşı olar. Qarşıma hədəf qoydum ki, vurduğum qollarla yerli azarkeşləri sevindirəcəyəm.
Osimhen əməliyyat olundu
PSJ-dən Dembele qərarı
"Emin Mahmudov "Neftçi"nin məşqçisi ola bilər"
Liderin qalibiyyətindən - Video
Vernidub qələbələrin sirrini açıqladı
"Qarabağ"la oyunu potensial 3 xal fürsəti kimi görürəm"
Toral Bayramov öz qapısına elə bir qol vurdu ki… - Video
"Turan Tovuz" "Qarabağ"ı belə məğlub etdi - Video
"Vəziyyəti düzəltməyə çalışacağıq" - Qurban Qurbanov
Kurban Berdıyev "Qarabağ" üzərində qələbəni şərh etdi
“Qarabağ” azarkeşləri: “Bu azarkeşin haqqını verin!” - Video
Portuqaliya millisinin kapitanı kim olacaq?
İspaniyanın Millətlər Liqası üçün heyəti
"Neftçi" - "Kəpəz": Heyətlər
Yenə dünya çempionu oldular
Tuhel: “Millətlər Liqasında birinci olmalıyıq”
"Qarabağ" - "Turan Tovuz": Heyətlər açıqlandı
İngiltərənin Xorvatiya və İspaniya ilə oyunlar üçün heyəti
"Ayın qolu"nun müəllifi mükafatlandırıldı
"Turan Tovuz"un legioneri milliyə dəvət aldı
Futbol meydanlarından Zəfər meydanlarına
Azərbaycan – Latviya oyununun hakimləri açıqlandı
Oyuna çıxmayan "Mingəçevir"ə texniki məğlubiyyət verildi
