"Alınmasa, etiraf etməyə utanmayacam" - Ayxan Abbasov

"Alınmasa, etiraf etməyə utanmayacam" -   Ayxan Abbasov
ÖLKƏ FUTBOLU 24 Fevral 2019 / 21:11 3180
-  A +

"Üzgünük. Azarkeşlərimizin qarşısında məğlub olduq. Onlardan üzr istəyirik".

Qol.az-ın məlumatına görə, bunu "Sumqayıt"ın baş məşqçisi Ayxan Abbasov Topaz Premyer Liqasının 18-ci turunda evdə "Zirə"yə 0:1 hesabı ilə uduzduqları oyundan sonra deyib.

38 yaşlı mütəxəssis bildirib ki, ilk hissədə rəqib yaxşı təsir bağışlasa da, fasilədən sonra üstünlük "Sumqayıt"da olub: "Təslim olmaq olmaz. Futbolçularıma da bildirdim ki, bu durumdan çıxmaq üçün çox çalışmalıyıq. Çalışmaq yaşa baxmır. Elvin Məmmədov qışdan sonra ilk dəfə start heyətində yer almışdı. Yəni, məsələ yaşda deyil. Oyun baxımından rəqiblərdən aşağı deyilik. Amma real danışaq, qışdan sonra bütün rəqiblər gücləndi. Bizim üçün çox çətindir. Seçim imkanımız azdır".

A.Abbasov deyib  ki, "Sumqayıt"a gələndə hansı yükün altına girdiyin bilirdi: "İnanmasam, gəlməzdim. Məşqçiliyə təzə başlamışam. Elə böyük bir imicim də yoxdur. Alınmasa, etiraf etməyə utanmayacam da. Təslim olsam, komanda çətin duruma düşər. Biz də vuruşacağıq. İnanıram, amma çox çətin olacaq. Klub sponsoru "Azərkimya"dır, prezidenti isə Riad Rəfiyev. Bura gələndə onlarla görüşüb, baş məşqçi təyin olunmuşam. AFFA ilə əlaqəm yoxdur. Mən "Sumqayıt" klubuna gəlmişəm".

Daha çox


Son xəbərlər
19.03.26  16:00

“Real”da ciddi itki

topaz banner