18:56
“Milli komandamızın Avro-2020-nin seçmə mərhələsindəki hansısa oyununun yerinin dəyişdirilməsi gündəmdədir. Hər iki matçın səfərdə olması söhbət mövzusu deyil. Sadəcə, görüşlərin yerləri dəyişdirilə bilər”.
Qol.az xəbər verir ki, bu sözləri matç.az saytına açıqlamasında AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla deyib.
Gələn il mayın 29-da Avropa Liqasının final oyununun Bakıda keçiriləcəyi nəzərə alınaraq, UEFA-nın Təşkilat Komitəsinin planına uyğun hazırlıq işləri ilə əlaqədar gələn ilin mart ayından etibarən Bakı Olimpiya Stadionu digər tədbirlər üçün qapalı olacaq. 2020-ci ildə təşkil olunacaq Avropa çempionatının seçmə mərhələsində Azərbaycan millisinin böyük azarkeş kütləsinin izləməsi ehtimal olunan ev oyunu təqvimə əsasən 2019-cu ilin mart-may aylarına təsadüf edərsə, həmin qarşılaşmanın səfərdə keçirilməsi ilə bağlı AFFA tərəfindən UEFA-ya müvafiq qaydada müraciət olunub.
Firuz Abdulla bunun yalnız top-komandalar üçün keçərli olduğunu söyləyib: “Bu, hər komandaya aid deyil. Hansı komanda ilə matçımıza 50-60 min azarkeşin gəlmək ehtimalı var, məhz onlarla qarşılaşmanın yeri dəyişdirilə bilər. Mart-may aylarında nisbətən zəif yığmalarla düşsək, Bakıda da oynaya bilərik”.
Departament rəhbəri ikinci variant kimi Tofiq Bəhramov adına Respublika Stadionunu seçməmələrinə də aydınlıq gətirib: “Bildiyiniz kimi, Avro-2020-nin oyunlarının bəziləri Bakı Olimpiya Stadionunda keçiriləcək. UEFA-nın tövsiyəsi var ki, o zamana qədər həmin arenada oyunlar olsun. Bu da bir növ qitə birinciliyinə hazırlıq xarakteri daşıyır. Böyük komandalarla oyunlarda həm də stadionu test etmək olur”.
Qeyd edək ki, Avropa çempionatının seçmə mərhələsinin püşkatma mərasimi dekabrın 2-də İrlandiyanın Dublin şəhərində keçiriləcək.
"Milan"Leaunu itirdi
“Qarabağ” uduzdu, “Neftçi”dən böyükhesablı qələbə
"Neftçi"nin futbolçusu mükafatlandırılıb
"Hiss olunur ki, çempionatımız güclənib" - Orxan Məmmədov
Alman klubu Ayxan Abbasovdan nə xahiş edib?
"Kəpəz" "Qarabağ"a belə qalib gəldi - Video
"Qarabağ" bizdən qat-qat üstün idi" - Azər Bağırov
"Neftçi" - "İmişli": Heyətlər açıqlandı
"Zirə"nin iki legioneri Ruanda millisinə çağırıldı
Valverde ilə yollar ayrılacaq - Rəsmi
"Sumqayıt"ın iki legioneri milliyə dəvət aldı
Azərbaycan liqalarında istifadə olunacaq toplar müəyyənləşdi
Mourinyunun köməkçisi dünyasını dəyişdi
"Kəpəz" - "Qarabağ": Heyətlər
Azərbaycan millisinin heyəti açıqlandı
Duran Kolumbiya millisinə çağırılmadı
Asim Xudiyevə UEFA-dan növbəti təyinat
İspanya millisinin DÇ-2026 üçün forması - Şəkillər
"Liverpul"dan ayrıla biləcək 6 futbolçu
