21:06
“Tottenhem”in baş məşqçisi Maurisio Poçettino “Real”ın sükanı arxasına keçəcəyi ilə bağlı yayılan xəbərlərə aydınlıq gətirib.
Qol.az-ın Britaniya mətbuatına istinadən yaydığı xəbərə görə, argentinalı mütəxəssis “kral klubu”ndan təklif almadığını bildirib:
“Əgər sizə “Real”dan zəng vururlarsa, mütləq dinləməlisiniz. Bu günlərdə çox söz-söhbət olacaq. Amma ispan klubundan mənimlə əlaqə saxlayan olmayıb”.
“Real”ın maraq dairəsində olmasına baxmayaraq, Poçettino hazırkı komandasında qalmaq istədiyini söyləyib: “Təklif alsam belə, hər şey heç də təkcə məndən asılı deyil. Çünki yaxınlarda “Tottenhem”lə uzunmüddətli müqavilə bağlamışam. Burada hər şey məni qane edir, özümü xoşbəxt hesab edirəm. Çünki mənə işləmək üçün lazımı şəraiti yaradırlar. Biz birlikdə inkişaf edirik. İndi əsas məqsədim növbəti mövsümün planını hazırlamaq və söz-söhbətlərə fikir verməməkdir”.
Qeyd edək ki, Zinəddin Zidanın istefasından sonra Poçettino “Real”da baş məşqçi vəzifəsində əsas namizədlərdən hesab olunur.
Musiala əməliyyat olundu
Bundesliqa klubundan "Nyukasl"a keçdi
FİFA cəzasını təxirə saldı
“Şamaxı”dan növbəti transfer
İngiltərə millisində itki
"Qəbələ" yeni mövsüm hazırlıqlarına başladı - Şəkillər
Dünya Çempionatı 2026
Xəbərlər
Təqvim
Cədvəl