Azarkeş mövqeyi Prosineçkinin oyun planı ilə üst-üstə düşəcəkmi?

Sabah futbol üzrə milli komadamız, belə demək mümkünsə, futbol tarixinin ən önəmli matçına çıxacaq: DAVAM yoxsa TAMAM. Məhz bu oyunun nəticəsinə uyğun olaraq, azarkeşlərimiz dünya şempionatının final mərhələsinə çıxmaq ümidlərinin üzərindən qara xətt çəkə və ya virtual yolla Rusiyada otel axtarışlarına başlaya bilərlər. Rəqibimiz hazırda qrupumuzun 2-ci sırasında qərarşlaşan və millimizi cəmi 3 xal qabaqlayan Şimali İrlandiya milli komandasıdır. Millimizin baş məqçisi olmuş braziliyalı əfsanəvi kapitan, rəhmətlik Karlos Alberto Torresin təbirincə desək, “topu yalnız havada ora-bura atmaqla, futbol yox, basketbol oynayan”  britaniyalılara qarşı çıxış edəcək millimizin start heyəti haqqında fikirləri bölüşmək istəyirəm.

MİLLİMİZİN BƏLALI MÖVQEYİ 

QAPI - Bir zamanlar, Aleksandr Jidkov və Dmirti Kramerenko kimi qapıcılarımıza güvənib etibarlı saydığımız qapıçı mövqeyimiz son zamanlar millimizin ən zəif nöqtəsinə çevirilib. Enişli-çıxışlı legioner həyatı keçirən Kamran Ağayevə, uğursuz “Ayntraxt” macərasına düçar olmuş, böyük ümidlər bəslənilən gənc istedad  Emil Balayevə,  möhtəşəm qurtarışları ilə yanaşı, kuryoz qollarla yadda qalan Anar Nəzirov və Səlahət Ağayevə görə futbolun bəlkə də ən önəmli nöqtəsində - qapıda ciddi problemlər yaşayırıq.  Təcrübə baxımdan Kamran Ağayevin heyətə salınmasına üstünlük verirəm. İnanmaq istəyirəm ki, qapıcımız Norveçlə ev oyununda olduğu kimi, çıxışlarda daha inamlı təsir bağışlayacaq.

KAPİTANIN BAŞÇILIĞI ETDİYİ KEÇİLMƏZ MÜDAFİƏ XƏTTİ

MÜDAFİƏ  - Millimizin müdafiəsində öz sabit oyunu ilə seçilən “Qarabağ”lı üçlük – kapitan Rəşad Sadıqov, Bədavi Hüseynov və Maksim Medvedevin  adlarını gözüyumulu  heyətə yazmaq olar. Millimizin “yaralı” yerinə çevrilmiş cinah müdafiəsinə təəssüf ki, eks “Qəbələ”lilər -  Arif Daşdəmirovla Maqomed Mirzabekov uyğun gəlmir. Prosineçkinin millidə nə İlqar Qurbanova, nə də Abbas Hüseynova şans tanımaq istəməməsi bu mövqedə vəziyyəti gərginləşdirib. İndiki halda, Almaniya ilə oyunda yaxşı oyunu ilə seçilən Pavel Paşayevə etimad göstərmək olar

ALMANLARA GÜCÜNÜ GÖSTƏRMƏYİ BACARAN YARIMMÜDAFİƏMİZ

YARIMMÜDAFİƏ -  Milli komandamızın yarımmüdafiə xəttində əvəzedilməz oyunçumuzun kim olduğu futbol həvəskarlarına yaxşı məlumdur: Berti Foqtsun milli komandaya verdiyi yeganə fayda – Dmirti Nazarov. Almaniya milli komandasının 262 günlük və  689 dəqiqəlik quru seriyasına son qoyan Nazarova azarkeşlərimizin ümidləri çoxdur. Şimali İrlandiya səfər matçında baş məqşçinin səhv qərarı ilə əsas heyətə salınmayan Nazarovdan britaniyalara qarşı ev oyunda qollarının davamını gözləməyə dəyər.
Mili komandamızda YENİ AD, amma azarkeşlərin sevimlisi, “Qarabağ”ın oyuncusu Ricard Almeydanın artıq rəqib komandanin baş məqşçisi Maykl O’nilin kabusuna çeviriləcəyinə bütün səmimiyyətimlə inanmaq istəyirəm.

Almaniya ilə maçtda gözəl oyunu ilə fərqlənən və yarımmüdafiədə adına uyğun işi görən Qara Qarayevin də əsas heyətdə çıxış etməsi daha məqsədəuyğundur.

Yarim müdafiənin cinahlarına gəlincə isə, fikrimcə, Prosinesçki böyük ehtimalla sevimli 2 oyuncusu- Əfran İsmayılovla Cavid Hüseynovu əsas heyətdə oynatmağı planlaşdırır. Həm Norveçlə oyunda, həm də İslam Həmrəliyi oyunlarında istər müdafiə, istərsə də hücüma dəstəkdə öz  faydası ilə seçilən Ağabala Ramazanov əsas heyətdə oynamalıdır.  Onu da unutmayaq ki, hücumdan çox yarımmüdafiədə effektli oyun göstərən Ruslan Qurbanov da əsas heyətdə oynamağa layiqdir.

GƏNC VƏ PRESPEKTİVLİ HÜCÜM XƏTTİMİZ

HÜCUM - Hücumun uc nöqtəsində oynamağa millimizin iki layiqli namizədi var: Slovakiyanin “Jilina”sında çıxış edən Ramil Şeydayev və Almaniyanin “Ayntraxt” klubunun U-19 komandasında qollarını sıralayan Renat Dadaşov. Təəssüf ki, Renat millidə debüt etmədiyindən, komandaya uyğunlaşmaqda problemlər yaşaya bilər. Bu səbəbdən Prosineçkinin start heyətində Ramil Şeydayevə etimad göstərəcəyi ehtimalı yüksəkdir.

Beləliklə, millimizin gözlənilən və fikrimcə, ən uğurlu start heyəti:

Qapı: Kamran Ağayev
Müdafiə: Rəşad Sadıqov, Bədavi Hüseynov, Maksim Medvedyev və Pavel Paşayev
Yarımmüdafiə: Qara Qarayev, Riçard Almeyda, Dimirti Nazarov, Ağabala Ramazanov və Ruslan Qurbanov
Hücüm: Ramil Şeydayev

İnanıram ki, hansı start heyətlə oynamasından asılı olmayaraq, milli komandamız  Şimali İrlandiya ilə oyunda qələbə qazanaraq, həm azarkeşlərimizi sevindirəcək, həm də son vaxtlar türk klublarının radarına düşən baş məqşçi Prosineçkinin dəyərini artmasına imkan verəcək…
Uğur olsun!

Anar BAYRAMOV

P.S. Robert Prosineçki son müsahibəsində bildirib ki, Şimali İrlandiyaya qarşı necə oynamağın reseptini tapıb və rəqibə sürpriz hazırlayıb. Ümid edək ki, bu süpriz britaniyalılarla səfər oyununda Nazarovu ehtiyatda saxlayıb Emin Mahmudovu əsas heyətə salmaq kimi uğursuz eksperimentlərdən olmayacaq.