Anri 8 dəqiqə 46 saniyə diz çökdü

Anri 8 dəqiqə 46 saniyə diz çökdü
DÜNYA FUTBOLU 10 İyul 2020 / 13:06 3854
-  A +

“Monreal İmpakt”ın baş məşqçisi Tyerri Anri ABŞ-ın Minneapolis şəhərində polis tərəfindən qətlə yetirilən Corc Floydun ölümünə biganə qalmayıb.

Qol.az xəbər verir ki, fransalı mütəxəssis MLS Liqasında “Nyu England”la oyunun (0:1) start fitindən dərhal sonra dizi üstə çöküb və 8 dəqiqə 46 saniyə bu vəziyyətdə dayanaraq Floydun xatirəsini yad edib.

Qeyd edək ki, mayın 25-də ABŞ polisləri Corc Floydu 8 dəqiqə 46 saniyə boğub. Daha sonra o, xəstəxanada ölüb. Anri də məhz buna görə irqçiliyə etiraz olaraq qeyd edilən müddətdə dizi üstə çöküb.

ABŞ-da Corc Floydun ölümündən sonra əksər ştatlarda etiraz aksiyaları keçirilir. İdman ictimaiyyətindən də etiraz nümayiş etdirənlər çoxdur.
              


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı