Bu gün AFFA Azad Həmkarlar İttifaqının sədri seçilən Nazim Süleymanov iclasdan sonra jurnalistlərin suallarını cavablandırıb.
Qol.az-ın əməkdaşının da iştirak etdiyi brifinqdə Süleymanov əvvəlcə ittifaqın mahiyyətindən danışıb:
- Təbriklərə görə hər kəsə dərin təşəkkürümü bildirirəm. Biz əvvəllər təsis qrupu yaratmışdıq və onunla fəaliyyət göstərirdik. Ondan sonra AFFA-nın baş katibi ilə görüşdük. Görüş zamanı məlum oldu ki, AFFA-da Azad Həmkarlar İttifaqı yoxdur. Bölgələrə gedərək futbol ictimaiyyəti ilə görüşdük və onların problemlərini dinlədik. Düşündük ki, AFFA Həmkarlar İttifaqını yaradaq.
- Bununla bağlı AFFA-dan razılıq alınıb?
- Ulu öndərimiz Heydər Əliyevin imzaladığı qanunda qeyd olunub ki, Həmkarlar İttifaqı heç kimdən icazə almır.
- Veteranlar İttifaqının sədri Oqtay Abdullayev, İcraiyyə Komitəsinin üzvü İsgəndər Cavadov mətbuata bu iclasa dəvət olunmamaları barədə açıqlamalar veriblər. Bu şəxslər yeni yaradılan ittifaqa yaxşı münasibət bəsləmirlər.
- Sizə sual vermək istəyirəm ki, Həmkarlar İttifaqı və ya digər təşkilatlar eynidirlər? Bunlar fərqlidir. Əgər fərqlidirsə, deməli biz bir-birimizə dəstək olmalıyıq. Başqa təşkilatlar haqqında danışmaq fikrində deyiləm. Bu gün biz AFFA Azad Həmkarlar İttifaqını təsis etdik. Bu daxili təşkilatdır. Kim ittifaqın üzvüdürsə, onlar dəvət olunub. Yalnız AFFA-nı dəvət etdik. Ona görə də biz Həmkarlar İttifaqı və AFFA-dan başqa heç kimə dəvət göndərməmişik.
- Gələcək fəaliyyətinizlə bağlı nə deyə bilərsiz?
- Bu haqda geniş olaraq danışmışıq. Məqsədimiz inkişaf etmək, bölgələrdə bu komitəni yaratmaq, sıralarımızı genişləndirməkdir. Bu gün üzvlərimizin sayı 150-dən çoxdur. Ona görə çalışırıq ki, Azərbaycan futboluna xidmət edək. Azərbaycan futbolunda olan haqsızlıqlara qarşı futbol ictimaiyyətində çalışan insanların hüquqlarını qoruyan təşkilat olmalıdır. Biz də bu təşkilatı yaratdıq ki, həmin şəxslərin haqq və hüquqlarını qoruyaq.
- Təşkilatın iş yükü nə qədər olacaq və hansı səlahiyyətlərə malikdir?
- AFFA-ya bizə yer vermələri ilə bağlı müraciət edəcəyik. AFFA-nın nəzdində fəaliyyət göstərən qurum kimi, assosiasiya bizə məhdudiyyət yox, fəaliyyət göstərməyimiz üçün şərait yaratmalıdır.
- Əgər AFFA buna şərait yaratmayıb, əvəzində özü belə təşkilat yaratsa, necə olacaq?
- Biz ictimai təşkilatıq. İctimai təşkilat nə deməkdir? Bu hamımızın təşkilatıdır. Çalışıb Azərbaycan futboluna xidmət etmək üçün burdayıq.
- Bölgələrdə ittifaqın nümayəndəliklərin olacağı ilə bağlı fikir səsləndirdiniz. Bu yöndə işlərə başlanılıb?
- Videoslaydda bölgələrdə keçirdiyimiz görüşlərə baxdınız. Bu görüşlər davamlı olacaq. Həmkarlar İttifaqını təsis etdik. Bundan sonra isə bölgələrdəki komitələrimiz ilə görüşüb onlara da sədr təyin edəcəyik.
- Söz-söhbət var ki, Nazim Süleymanov artıq futbol idarəçiliyində özünü göstərmək istəyir və funksioner kimi bu istiqamətdə addımlar atır.
- İdarəçilik deyəndə ki, mən “pro” kateqoriyalı məşqçiyəm. Vaxtilə futbol oynamışam. Sabah mənə təklif gələrsə, gedib məşqçi kimi işləyəcəm. Bu gün Azərbaycan futbolunda bu təşkilatın yaranması zəruri idi. Futbol ictimaiyyətində çalışan hər kəsin- futbolçu, həkim, massajist, məşqçilərin hüquqlarını qorumaq üçün bu təşkilatı yaratdıq.
Azad NURİYEV
18 yaşlı Endrik evləndi
Sneyderin oğlundan ilk peşəkar müqavilə
Argentina millisinin üzvü "Atletiko"da
"Çelsi"dən "Arsenal"a - Rəsmi
"Mançester Siti"dən A seriyası klubuna keçdi
Millimizin üzvü Türkiyə klubunda - Rəsmi
“Qarabağ” yenidən öz məkanında - Şəkillər
Yeni mövsümün 3 Azərbaycan derbisi - Hansı turda və harda?
"Milan"dan daha bir transfer
Vəli Qasımova yeni vəzifə verildi
Platininin medal və kubokları oğurlanıb
"Mançester Yunayted" hücumçu ilə anlaşdı
"Qarabağ" onunla da yolları ayırdı - Rəsmi
"İnter" futbolçusunu icarəyə verdi
İtaliya klubu "Borussiya"ya təklif göndərdi
Konfrans Liqasında inanılmaz geridönüş
"Napoli"dən yeni transfer
"Araz-Naxçıvan" da iştirak ərizəsini açıqladı
"Roma"nın təklifinə razılaşdı
Arda Turanın "Şaxtyor"u mərhələ adladı, "Beşiktaş"a rəqib oldu - "Oyunçularıma fəxr edirəm"
Enrike onları əvəzedici komandaya göndərdi
"İnter" "Atalanta" ilə razılığa gələ bilmədi
Azərbaycanın Avropadakı 5-ci het-triki
İsveçdə son oyun
“Araz-Naxçıvan” - “Aris” oyununun biletləri satışda
Azərbaycan 2025/26 mövsümündə ilk xalını qazanıb
“Qarabağ” - “Şelburn” oyununun biletləri satışa çıxarılır
Elçin Məsiyev Çempionlar Liqasına təyinat aldı
"Şelburn" - "Qarabağ" oyununun hakimləri açıqlandı
"Barselona" yeni oyunçusunun qardaşını hədəflədi
"Sabah" Avroliqa ilə belə vidalaşdı - Video
Avropa Liqasında 1-ci mərhələyə yekun vuruldu
"Göstərdiyimiz oyunla fəxr edə bilərik" - Valdas Dambrauskas
Konfrans Liqasında daha 23 komanda 2-ci mərhələyə yüksəldi
"Çempionata yaxşı hazır olacağımıza inanıram” - Samir Abasov
“Sabah”ın Konfrans Liqasındakı rəqibi
"Sabah" Avropa Liqasında mübarizəni dayandırdı
Azərbaycanlı futbolçu dünyasını dəyişib
Ter Ştegen 4 ay yaşıl meydanlardan uzaq qala bilər
"Mançester Siti" 18 yaşlı oyunçunu transfer etdi
"İmişli"dən yeni transfer
Elmar Baxşıyev "Trabzonspor" üzərində qələbəni şərh etdi
"Neftçi" Polşadakı ilk oyununda heç-heçə etdi
"Çelye" - "Sabah": Heyətlər