15:22
UEFA-ya üzv olan ölkələrin milli komandalarının rekordçu kapitanların siyahısı müəyyənləşib.
Qol.az-ın apasport.az saytına istinadən yaydığı məlumata görə, cədvələ öz yığmasını ən azı 75 matça kapitan kimi çıxaran futbolçular yer alıb.
Avropada yalnız 12 oyunçu bunu bacarıb. Cədvələ Portuqaliya millisinin canlı əfsanəsi Kriştiano Ronaldo başçılıq edir. O, 108 dəfə kapitanlıq sarğısını taxıb. İspaniya yığmasının sabiq kapitanı İker Kasilyas da 100 səddini arxada qoya bilib.
Azərbaycan millisinin oyun və kapitanlıq sayındakı rekordçusu Rəşad Sadıqov da siyahıda yer alıb. Yığma karyerasını bitirən 38 yaşlı müdafiəçi 78 dəfə komandanın kapitanı olub. O, bu göstəricidə Avropanın 12-cisidir.
75 və daha çox qarşılaşmada kapitan olanlar arasında sonuncu sırada qərarlaşan Rəşad bunu bacarmayan onlarla əfsanəni geridə qoyub. Paolo Maldini, Robbi Kin, Yari Litmanen, Lotar Matteus, Frank de Bur, Georgi Hacı, Devid Bekhem, Dino Zoff kimi əfsanələr “14 nömrəmiz”in kapitanlıq sayına həsəd apara bilər.
2004-cü il oktyabrın 9-da Şimali İrlandiya ilə Bakıdakı matça (0:0) ilk dəfə kapitan kimi çıxan 22 yaşlı futbolçu 13 il bu statusa malik olub. O, 2017-ci il oktyabrın 5-də Çexiya ilə matçda kapitan kimi son dəfə meydana daxil olub. Əslində, yığmada 111 oyun keçirib 78 dəfə kapitan olan futbolçunun göstəriciləri daha yüksək ola bilərdi. Lakin 2006-07-ci illərdə yığmanın çalışdırıcısı Şahin Diniyev və müdafiəçi arasındakı anlaşılmazlıqlar üzündən Rəşad kənarda qalıb. O, 15 aya sığan 16 matçda komandaya çağırılmayıb.
75 və daha çox oyunda millinin kapitanı olan Avropa futbolçuları
1. Kriştianu Ronaldo (Portuqaliya) - 108
2. İker Kasilys (İspaniya) - 104
3. Torbyen Svenssen (Norveç) - 93
4. Byorn Nordkvist (İsveç) - 92
5-7. Bobbi Mur (İngiltərə) - 90
Billi Rayt (İngiltərə) - 90
Uqo Loris (Fransa) - 90
8-9. Vitali Astafyev (Latviya) - 86
Viktor Onopko (Rusiya) - 86
10. Canluici Buffon (İtaliya) - 80
11. Fabio Kannavaro (İtaliya) - 79
12. Rəşad Sadıqov (Azərbaycan) - 78
_22.01.19.jpg)
Setyen qovulur
"Qarabağ"ın rəqibi doğma meydanda xal itirdi
Umtiti də koronavirusa yoluxdu
"Neftçi" "Qəbələ"ni məğlub etdi
"Qalatasaray" Rayan Donkla bağlı qərarını verdi - Rəsmi
"Sumqayıt" "Zirə"yə qalib gəldi
"Keşlə" "Səbail"lə heç-heçə etdi
Ronaldo izləyicilərini seçim qarşısında qoydu - Şəkil
“Fənərbaxça”da koronavirusa yoluxanlar sağaldı
"Sumqayıt"da yeni hücumçu - Rəsmi
"Qarabağ" serbiyalı hücumçu alır?
Moldova çempionatı dayandırıldı
“Qarabağ”ın oyununa kimlər buraxılır? – UEFA-nın tələbləri
Azərbaycanda yoluxma sayı yenidən 100-ü keçdi
"Liverpul"da ötən mövsümün ən yaxşı futbolçusu
Türkiyə klubunda kütləvi yoluxma
"Sumqayıt"dan ayrılan futbolçu Yunanıstan klubunda
Naqelsmann Deşamın rekordunu qırdı
Premyer Liqanın ən yaxşı gənc futbolçusu
“Qalatasaray”ın iki futbolçusu koronavirusa yoluxdu
“Qəbələ”dən daha bir transfer
"Keşlə"dən 8-ci transfer
Villian "Arsenal"da - Rəsmi
Baş məşqçilər “Qəbələ”dən danışdılar – Video
Millimizin məşqçiləri yoxlama oyunlarını izləyəcək
