Bu gün "Neftçi”nin futbolçusu Soni Mustivarın 30 yaşı tamam olur. Qol.az xəbər verir ki, 1990-cı ildə dünyaya gəlmiş haitili yarımmüdafiəçi 2017/2018 mövsümündən çıxış etdiyi komandamızın heyətində 54 oyun keçirib, 3 qol vurub. Mustivar Haiti millisinin forması ilə meydana çıxdığı 19 matçda 2 dəfə fərqlənib. Klubun rəsmi saytı "Neftçi” ailəsi adından futbolçunu təbrik edib. S.Mustivarin "Nefti"nin saytına müsahibəsini təqdim edirik.
- Doğum gününüz mübarək, Soni! Özünüzü 30 yaşda necə hiss edirsiniz?
- Təbrikinizə görə sağ olun. Özümü gənc hiss edirəm (gülür).
- Həyatınızda ən gözlənilməz hədiyyə hansı olub?
- Ən gözlənilməz hədiyyəni mən bir neçə il əvvəl almışdım. Neçənci il olduğu yadımda deyil, amma hədiyyə "Nintendo 64” oyun konsolu idi.
- Bu günü necə keçirəcəksiniz?
- Doğum günümü həyat yoldaşım və dostlarımla qeyd edəcəm. Qeyri-adi bir şey olmayacaq.
- Artıq bir neçə ildir ki, "Neftçi”dəsiniz. Bu klub sizin üçün nə məna daşıyır?
- "Neftçi” sevgi, emosiya, ehtiras deməkdir.
- Bu mövsüm bir oyunda hətta komandanın kapitanı qismində oynamısınız.
- Bəli və buna görə qurur duyuram. Mənim üçün komandanın hər bir oyunçusu kapitandır. Biz "Neftçi”ni layiqli şəkildə təmsil etməliyik.
- Həftəsonu "Keşlə”yə qarşı keçiriləcək oyun ərəfəsində azarkeşlərə nə deyə bilərsiniz?
- Arzum odur ki, oyuna gəlsinlər. Nə qədər çox olsalar, o qədər də biz güclü olacağıq. Qələbəni bir yerdə yaşayaq!
Premyer Liqaya vəsiqə qazanan sonuncu komanda da bilindi
Elmar Baxşıyev: "Daha iddialı komanda qurmaq istəyirik"
"Hansısa fikirlərə görə klubun imicini aşağı salmağa ehtiyac yoxdur" - Qurban Qurbanov
Mövsümün son oyununda 4 qol - Video
Türkiyə Superliqasında çempion müəyyənləşdi
Misli Premyer Liqasında mövsümün ən yaxşı bombardiri odur
Misli Premyer Liqasında 2023/24 mövsümünə yekun vuruldu
Azərbaycanın sərbəst güləş millisi Avropa çempionu oldu
"Çempionat bitir. Darıxacağıq" - Ayxan Abbasov