18:31
Azərbaycan Premyer Liqasının III turu çərçivəsində evdə “Qarabağ”a 0:4 məğlub olan “Səbail”in baş məşqçisi Aftandil Hacıyev mətbuat konfransı keçirib. O, əvvəlcə oyun haqda fikirlərini bölüşüb.
- “Qarabağ”ı Avroliqanın qrupuna düşməsi, bugünkü qələbə münasibəti ilə təbrik edirəm. Ardıcıl 2 qələbədən sonra məğlub olmaq istəmirdik. Bilirdik ki, rəqib səhvləri bağışlamır. İlk dəqiqələrdə buraxdığımız qol gözlənilməz oldu. Toparlanmaq istədik, ancaq “Qarabağ”la bunu həyata keçirmək çətindir. Zəncirvari səhvlər belə acı məğlubiyyəti şərtləndirdi. Etiraf edək ki, “Qarabağ” digər komandalardan xeyli üstündür. Ruhdan düşmürük, növbəti oyunlara hazırlaşacağıq.
- Bir qol buraxan kimi, komanda “sındı”? Bəlkə komandanız rəqibin nüfuzundan qorxdu?
- İlk qoldan sonra bərabərlik qolunu vura bilərdik. Üstünlüyü ələ aldıq. “Qarabağ” Avroliqada rəqiblərini əzir, bizdə isə təmkinli oynayan futbolçu barmaqla sayılası qədərdir.
- Hər oyundan sonra bir futbolçu komandanızdan ayrılır. Bu dəfə növbə kimindir?
- Bu, bizi də narahat edir. Suala cavab verə bilməyəcəm. Çünki futbolçuların yerinə mən qərar verə bilmərəm. Ancaq düşünürəm ki, qışadək komandanı tərk edən olmayacaq.
- Maykl Essyen necə, getmək istəmir?
- Essyen özü qərar verməlidir. Belə müraciət etməyibsə, deməli, onu bu durum qane edir.
- Essyen ehtiyatda qalacaq?
- Strategiya dəyişib. İndi gənclərə daha çox şans veririk. Ancaq bu, o demək deyil ki, Maykl bu gün oynamadısa, ona növbəti görüşlərdə də şans verməyəcəyik.
- Oyunçular gedir, “Qarabağ” hamıdan üstündür. Bəs, “Səbail” nəyin hesabına 6 xal qazanıb?
- “Zirə” və “Sumqayıt” üzərində qələbə qazanmışıq. “Qarabağ” fərqli səviyyədədir.
- Belə çıxır ki, “Səbail” avrokubok zonası uğrunda mübarizə aparmaq iqtidarındadır?
- “Keşlə”nin də 6 xalı var. “Zirə” də yaxşı heyətə malikdir. Qarşımıza avrokuboklara vəsiqə qazanmaq vəzifəsi qoyulmayıb. Düzdü, ötən il də belə bir məqsəd yox idi. Çalışacağıq bu zona uğrunda mübarizədən qopmayaq (matc.az).
Deşam Bakıdakı qələbədən və “Qarabağ”dan danışdı
Azərbaycan millisi seçmə mərhələni məğlubiyyətlə başa vurdu
"Böyük klublarda oynamağı arzulayıram"
"Arsenal"ın futbolçusu sıradan çıxdı
"Millimizin nəticələrindən razıyıq"
"Barselona" "Qalatasaray"ın futbolçusunu transfer edə bilər
Portuqaliya Ronaldosuz ikinci dəfə tarixi nəticə əldə etdi
Deşam Azərbaycanla oyunda start heyəti tamam dəyişdi
Portuqaliya Ermənistanı darmadağın etdi - 9 qollu qələbə
Azərbaycan - Fransa oyununun heyətləri açıqlandı
Hakan Çalhanoğlu Türkiyə millisinin heyətindən çıxarıldı
“Mançester Yunayted” gənc portuqaliyalıya göz dikdi
“Barselona”nın gənc ulduzu Avropa klublarının hədəfində
Haaland Norveç millisindəki oyunundan danışdı
“Mən həmişə bütün oyunlarımı izləyirəm"
