"Qol qeydə alınmamalı idi" - Tərlan Əhmədov

"Qol qeydə alınmamalı idi" - <b style="color:red"> Tərlan Əhmədov</b>
ÖLKƏ FUTBOLU 18 Aprel 2019 / 21:46 2593
-  A +

“Rəqibi təbrik edirəm. Çempionluq yolunda vacib qələbə qazandılar. Etdiyimiz səhvlər bizi məyus edir. İlk qoldan sonra qapıçımızın zədələnməsi yaxşı olmadı. Çünki çox ağır zədə idi. Onsuz da kifayət qədər itkimiz var. Onu da itirmək istəmirik".

Qol.az xəbər verir ki, bu sözləri “Keşlə”nin baş məşqçisi Tərlan Əhmədov Azərbaycan Premyer Liqasının 25-ci turunda səfərdə “Qarabağ"a uduzduqları (0:3) oyundan sonra deyib.

“Psixoloji cəhətdən komandanı hazırlaya bilmirik. Oyunda ikinci hissədə baş verənlər bizdə başqa fikirlər formalaşdırır. Hər halda, çalışırıq ki, sonuncu yerdən qurtulaq” - deyə Əhmədov əlavə edib.

Təcrübəli mütəxəssis daha sonra tribunaya göndərilməsi barədə danışıb: “Şahin Zəkiyevə olan zərbəyə etiraz etdim. Daha sonra Kamaraya göstərilən sarı vərəqəyə. Biz də futbol oynamışıq. Orada heç bir sarı vərəqə yox idi. Bu qərarlar niyə verilir, bilmirəm. Bunları araşdıracağıq. Qapıçımıza qarşı qayda pozuntusu var idi. Hakim onu görməli idi və qol qeydə alınmamalı idi. Mitroviç ikinci hissə yorğun görünürdü. Ona görə onu meydandan çıxardım. Nədənsə, son oyunlar buraxdığımız bütün qollar ikinci hissədə olur. Nə baş verir, bilmirəm. Bəzən çox şey fikirləşirik. Başımıza 10-15 fikir gəlir. Niyə biz ancaq ikinci hissədə qollar buraxırıq? Mənim yerimə başqa biri də olsa, ağlına çox fikir gətirər. Bu baxımdan problem yaşayırıq”.

 

Daha çox


Son xəbərlər
20.08.19  17:15

Messinin son durumu

20.08.19  14:14

Poqba təhqir olundu