"Bakı" "Birlik Kuboku"nu vaxtından əvvəl tərk etdi

«MDB və Baltikyanı ölkələrin çempionlarının Birlik Kuboku»nda təmsilçimiz «Bakı» bu gün qrup mərhələsində son oyununu keçirdi. Bakı vaxtı ilə saat 14:00-da  «Olimpiyski» İdman Kompleksində başlayan matçda komandamızın rəqibi Qazaxıstanın «Aktobe» klubu oldu. Qol.Az saytının Moskvaya ezam olunmuş müxbiri oyundan canlı mətn-reportaj yayımladı.

"Bakı" - "Aktobe" - 0:2

"Bakı" "Birlik Kuboku"nu vaxtından əvvəl tərk etdi

Matç bitdi.

86. Nə Adriano, nə də Kürşat 5 metrlik məsafədən topu qapıya göndərə bilmir.

82. Top cərimə meydançasında "Aktobe"nin futbolçusunun əlinə dəysə də, referinin fiti susdu.

81. Şoliçin zərbəsi qeyri-dəqiq alındı.

78. "Bakı" rəqib qapısı qarşısında heç nə edə bilmir.

74. Jaba zərbə vurmaqda gecikdi 

72.Ramimin zərbəsini qapıçı çətinliklə dəf edir. Meydanda bu dəqiqələrdə gərgin anlar yaşanır.

71. Bəxtiyarın zərbəsini qapıçı tutur.

HİK- "Vaxş" 1:1

70. Adrianonun təhlükəli zərbəsi müdafiəçidən geri döndü.

68. Ramimin zərbəsi qapının üstündən keçdi.

63. Əziz Quliyevin əvəzinə meydana Ramim daxil olur.

58. Batesin başla zərbəsi qapıdan az fərqlə aralı keçdi.

50. QOl. Avarçenko ikinci qolu qapımızdan keçirir.

49. "Aktobe"nin hücumçusu Murat Tilesev az qala qapıçımızla təkbətək çıxacaqdı. Son anda Şarliya onu qabaqlayaraq qola imkan vermədi.

"Bakı"nın heyətində dəyişiklik edilir. Mahmud Qurbanovun əvəzinə Jaba, Cəmşidin əvəzinə Vadim Borets, Skuliçin əvəzinə Venio, Adnan Bərəkətin əvəzinə Bəxtiyar Soltanov daxil oldu.

İkinci hissə başladı.

İlk hissə başa çatdı.

41. Uluqbey Asanbeyovun zərbəsi qapının üstündən keçir.

39. "Bakı"da məcburi dəyişiklik. Saşa Yunisoğlu zədələnir. Onun əvəzinə meydana Kürşat Duymuş daxil olur.

38. Mahmud Qurbanov sarı vərəqə alır.

35. Yeni transfer Adriano ondan gözlənilən oyunu sərgiləyə bilmir. Hücum xəttində bütün toplar ona ötürülsə də, braziliyalı heç nə ilə yadda qalmır.

31. "Aktobe" ikinci qolu vura bilərdi. Qolovskoy bu dəfə qeyri-dəqiq oynadı.

28. "Bakı"nın yeni transferi Adriano növbəti dəfə qeyri-dəqiq oynadı. Adriano və Əziz şansları sağa-sola xərcləməklə məşğuldurlar.

25. Əziz Quliyev növbəti dəfə şansını boşa verdi. Quliyev 5 metrdən qeyri-dəqiq oynadı.

Əgər bu matçda "Aktobe" qələbə qazanarsa, komandamız 1/4 finala yüksələ bilməyəcək.

24. Qol. "Aktobe" hesabı açdı. Qolovskoy topu qapımızdan keçirdi...

23. "Aktobe" təhlükəli nöqtədən cərimə zərbəsi yerinə yetirsə də, hər şey komandamız üçün yaxşı qurtarır.

21. Şoliçin cərimə zərbəsindən sonra Sidelnikov topu tutur.

19. Samat Smakovun zərbəsi qeyri-dəqiq oldu.

16. Əziz Quliyev cərimə meydançasına daxil olsa da, zərbəsi istədiyi kimi alınmadı.

12. Elvin Əliyevin zərbəsi dəqiq olmur. Top qapının üstündən keçir. Bu dəqiqələrdə komandamızın üstünlüyü açıq-aşkar sezilir.

6. Adnan Bərəkət vurur.... Zərbəsi təhlükəli alınsa da, qapının üstündən keçir.

5. Bu dəqiqələrdə meydanda gərgin anlar yaşanır. Essembo Şarliyaya qarşı kobud oynayır. Hakim futbolçuları sakitləşdirir.

3. Mahmud Qurbanov qapıya zərbə vurmağa gecikir.

2. "Bakı" ilk dəqiqələrdə hesabı aça bilərdi. Amma Adriano zərbə vurmağa gecikdi.

Matç başladı.

"Bakı": Marko Şarliya, Elvin Əliyev, Saşa Yunisoğlu, Cəmşid Məhərrəmov, Stevan Bates, Mahmur Qurbanov (kapitan), Aleksandr Şoliç, Ernad Skuliç, Adriano, Əziz Quliyev, Adnan Bərəkət

"Aktobe": Andrey Sidelnikov, Samat Smakov (kapitan) , Yuri Loqvinenko, Maksim Semenov, Anton Ciculin, Seriy Skorix, Konstantin Qolovskoy, Uluqbek Asanbayev, Evgeni Averçenko, Emil Kenjisariev, Titi Essomba

Xatırladaq ki, «Bakı» turnirdə keçirdiyi ilk oyunda Tacikistanın «Vaxş» klubuna 2:0 hesabı ilə qalib gəlib, Finlandiyanın HİK komandası ilə qarşılaşmada isə heç-heçə qeydə alınıb – 0:0.