"Qalatasaray" çempion!

DÜNYA FUTBOLU 26 May 2015 / 00:15 7824

- A +

Türkiyə superliqasında 33-cü tura yekun vurulub.

Qol.Az-ın məlumatına görə, son oyun günündə daha iki qarşılaşma baş tutub.

Səfərdə "Akhisar"ın qonağı olan "Bursaspor" minimal hesablı qələbəyə sevinib. Josuenin matçın 60-cı dəqiqəsində penaltidən vurduğu qol Bursa təmsilçisinə qələbə qazandırıb - 1:0.

Günün maraqla gözlənilən oyunu "Başakşəhər" və "Fənərbaxça" komandaları arasında baş tutub. Gərgin keçən oyunda qalib müəyyənləşməyib. 0:2 hesabı ilə geriyə düşən "sarı-lacivərdlilər" matçın sonlarında bərabərlik qolunu vura biliblər. Lakin çempionluq iddiasını davam etdirməsi üçün "Fənərbaxça"nı bu görüşdə yalnız qələbə qane edirdi.

Oyunun 90+5-ci dəqiqəsində "Fənərbaxça"nın qapısına 11 metrlik cərimə zərbəsi təyin olunsa da, meydan sahibləri bundan yararlana bilməyiblər. Bununla belə, matçın sonlarında "Fənərbaxça"nın 3 futbolçusu meydandan qovulub. Buna qədər isə Mehmet Topuz qırmızı vərəqə alaraq vaxtından əvvəl paltardəyişmə otağına yollanıb. "Fənərbaxça"nın bütün cəhdlərinə baxmayaraq komanda qələbə qolunu vurmağı bacarmayıb. Oyun 2:2 hesabı ilə başa çatıb.

Bu heç-heçə "Qalatasaray"ın işinə yarayıb. Dünən evdə "Beşiktaş"ı 2:0 hesabı ilə məğlub edən "Cim Bom" turnir cədvəlində ən yaxın izləyicisi "Fənərbaxça"nı 6 xal qabaqlayırdı. "Fənərbaxça"nın "Başakşəhər"lə 2:2 bərabərə qalmasından sonra xal fərqi 5-ə enib. Bununla da, "Qalatasaray" sona bir tur qalmış bütün rəqibləri üçün əlçatmaz olub. Beləliklə, son turun nəticələrindən asılı olmayaraq "Qalatasaray" 20-ci çempionluğunu rəsmiləşdirib.

25 may

Türkiyə superliqası, 33-cü tur

"Akhisar" - "Bursaspor" - 0:1
Qol: Josue, 60-pen (0:1)

"Başakşəhər" - "Fənərbaxça" - 2:2
Qollar: Batdal, 53, (1:0), 62 (2:0), Dieqo, 81 (2:1), Vebo, 88 (2:2)
Qırmızı vərəqələr: M.Topuz, 84, B.Alveş, 90+2, Caner, 90+3, Vebo, 90+6 (hamısı "Fənərbaxça")

24 may

"Qaziantepspor" - "Eskişehirspor" - 3:2
Qollar: Kamara, 7 (1:0), Çibuke, 9 (2:0), kamare 59 (3:0), Öztürk, 63 (3:1), Şentürk, 73 (3:2)

"Karabükspor" - "Sivasspor" - 2:1
Qollar: Yılmazer, 28 (0:1), Özek, 72 (1:1), Sou, 76 (2:1)

"Qalatasaray" - "Beşiktaş" - 2:0
Qollar: Yasin Öztekin, 11, Sneyder, 81

23 may

"Kasımpaşa" - "Kayseri Ərciyəsspor" - 3:3
Qollar: Torun, 14 (1:0), Zoua, 43 (1:1), Edinyo, 46 (1:2), Çağlayan, 57 (1:3), Donk, 76 (2:3), Malki, 85 (3:3)

"Konyaspor" - "Rizəspor" - 1:1
Qollar: Kveuke, 20 (0:1), Ranqelov, 90+2 (1:1)

"Trabzonspor" - "Balıkəsirspor" - 3:2
Qollar: Çeviker, 28 (0:1), Medjani, 35 (1:1), Kardozo, 50 (2:1), Atasevən, 69 (2:2), Kardozo, 85 (3:2)

22 may

"Gənclərbirliyi" - "Mersin" - 1:2
Qollar: İ.Kahveci, 37 (1:0), Velliton, 60 (1:1), Nakoulma, 79 (1:2)

S	Komandalar	O	Q	H	M	T-F	Xal
1.	Qalatasaray	33	24	4	5	59:34	76
2.	Fənərbaxça	33	21	8	4	58:29	71
3.	Beşiktaş	33	20	6	7	53:31	66
4.	Basaksehir	33	15	13	5	47:28	58
5.	Bursaspor	33	16	8	9	69:44	56
6.	Trabzonspor	33	15	11	7	57:47	56
7.	Mersin	33	13	7	13	52:46	46
8.	Konyaspor	33	12	9	12	30:39	45
9.	Gənclərbirliyi	33	10	10	13	45:42	40
10.	Eskisehirspor	33	9	12	12	44:49	39
11.	Qaziantepspor	33	11	6	16	30:47	39
12.	Kasımpaşa	33	9	10	14	56:71	37
13.	Sivasspor	33	9	8	16	42:49	35
14.	Akhisar	32	8	11	13	38:49	35
15.	Rizespor	33	9	8	16	40:54	35
16.	Karabükspor	33	7	7	19	41:60	28
17.	Balikesirspor	33	6	8	19	47:68	26
18.	Erciyesspor	33	4	12	17	39:59	24

Daha çox